திருச்சிற்றம்பலம்

பசுபதி

அருளியவர்: திருநாவுக்கரசர்
பண்: திருவிருத்தம்
தலம்: பொது
நாடு: பொது

1

சாம்பலைப் பூசித் தரையிற் புரண்டுநின் றாள்பரவிஏம்பலிப் பார்கட் கிரங்குகண் டாயிருங் கங்கையென்னுங்காம்பலைக் கும்பணைத் தோளி கதிர்ப்பூண் வனமுலைமேற்பாம்பலைக் குஞ்சடை யாயெம்மை யாளும் பசுபதியே.

சொற்பிரிப்பு

சாம்பலைப் பூசித் தரையில் புரண்டு நின் தாள்பரவிஏம்பலிப்பார்கட்கு இரங்கு கண்டாய் இருங் கங்கை என்னும்காம்பு அலைக்கும் பணைத்தோளி கதிர்ப் பூண் வனமுலை மேல்பாம்பு அலைக்கும் சடையாய் எம்மை ஆளும் பசுபதியே.

உரை

உரை எழுதப்படவில்லை

2

உடம்பைத் தொலைவித்துன் பாதந் தலைவைத்த உத்தமர்கள்இடும்பைப் படாமல் இரங்குகண் டாயிரு ளோடச்செந்தீஅடும்பொத் தனைய அழன்மழு வாவழ லேயுமிழும்படம்பொத் தரவரை யாயெம்மை யாளும் பசுபதியே.

சொற்பிரிப்பு

உடம்பைத் தொலைவித்து உன் பாதம் தலை வைத்த உத்தமர்கள்இடும்பைப் படாமல் இரங்கு கண்டாய் இருள் ஓடச் செந்தீஅடும்பு ஒத்து அனைய அழல் மழுவா அழலே உமிழும்படம்பொத்து அரவு அரையாய் எம்மை ஆளும் பசுபதியே.

உரை

உரை எழுதப்படவில்லை

3

தாரித் திரந்தவி ராவடி யார்தடு மாற்றமென்னும்மூரித் திரைப்பௌவ நீக்குகண் டாய்முன்னை நாளொருகால்வேரித்தண் பூஞ்சுடர் ஐங்கணை வேள்வெந்து வீழச்செந்தீப்பாரித்த கண்ணுடை யாயெம்மை யாளும் பசுபதியே.

சொற்பிரிப்பு

தாரித்திரம் தவிரா அடியார் தடுமாற்றம் என்னும்மூரித் திரைப் பௌவம் நீக்கு கண்டாய் முன்னை நாள் ஒருகால்வேரித்தண் பூஞ்சுடர் ஐங்கணை வேள் வெந்து வீழச் செந்தீப்பாரித்த கண் உடையாய் எம்மை ஆளும் பசுபதியே.

உரை

உரை எழுதப்படவில்லை

4

ஒருவரைத் தஞ்சமென் றெண்ணாதுன் பாத மிறைஞ்சுகின்றார்அருவினைச் சுற்றம் அகல்விகண் டாயண்ட மேயணவும்பெருவரைக் குன்றம் பிளிறப் பிளந்துவேய்த் தோளியஞ்சப்பருவரைத் தோலுரித் தாயெம்மை யாளும் பசுபதியே.

சொற்பிரிப்பு

ஒருவரைத் தஞ்சம் என்று எண்ணாது உன் பாதம் இறைஞ்சுகின்றார்அருவினைச் சுற்றம் அகல்வி கண்டாய் அண்டமே அணவும்பெருவரைக் குன்றம் பிளிறப் பிளந்து வேய்த் தோளி அஞ்சப்பருவரைத் தோல் உரித்தாய் எம்மை ஆளும் பசுபதியே.

உரை

உரை எழுதப்படவில்லை

5

இடுக்கொன்று மின்றியெஞ் சாமையுன் பாத மிறைஞ்சுகின்றார்க்கடர்க்கின்ற நோயை விலக்குகண் டாயண்டம் எண்டிசையுஞ்சுடர்த்திங்கள் சூடிச் சுழற்கங்கை யோடுஞ் சுரும்புதுன்றிப்படர்க்கொண்ட செஞ்சடை யாயெம்மை யாளும் பசுபதியே.

சொற்பிரிப்பு

இடுக்கு ஒன்றும் இன்றி எஞ்சாமை உன் பாதம் இறைஞ்சுகின்றார்க்குஅடர்க்கின்ற நோயை விலக்கு கண்டாய் அண்டம் எண்திசையும்சுடர்த் திங்கள் சூடிச் சுழல் கங்கையோடும் சுரும்பு துன்றிப்படர்க் கொண்ட செஞ்சடையாய் எம்மை ஆளும் பசுபதியே.

உரை

உரை எழுதப்படவில்லை

6

அடலைக் கடல்கழி வான்நின் னடியிணை யேயடைந்தார்நடலைப் படாமை விலக்குகண் டாய்நறுங் கொன்றை திங்கள்சுடலைப் பொடிச்சுண்ண மாசுணஞ் சூளா மணிகிடந்துபடரச் சுடர்மகு டாயெம்மை யாளும் பசுபதியே.

சொற்பிரிப்பு

அடலைக் கடல் கழி வான் நின் அடிஇணையே அடைந்தார்நடலைப் படாமை விலக்குகண்டாய் நறுங் கொன்றை திங்கள்சுடலைப் பொடிச் சுண்ணம் மாசுணம் சூளாமணி கிடந்துபடரச் சுடர் மகுடா எம்மை ஆளும் பசுபதியே.

உரை

உரை எழுதப்படவில்லை

7

துறவித் தொழிலே புரிந்துன் சுரும்படி யேதொழுவார்மறவித் தொழிலது மாற்றுகண் டாய்மதின் மூன்றுடையஅறவைத் தொழில்புரிந் தந்தரத் தேசெல்லு மந்திரத்தேர்ப்பறவைப் புரமெரித் தாயெம்மை யாளும் பசுபதியே.

சொற்பிரிப்பு

துறவித் தொழிலே புரிந்து உன் சுரும்பு அடியே தொழுவார்மறவித் தொழில் அது மாற்று கண்டாய் மதில் மூன்று உடையஅறவைத் தொழில் புரிந்து அந்தரத்தே செல்லும் மந்திரத் தேர்ப்பறவைப் புரம் எரித்தாய் எம்மை ஆளும் பசுபதியே.

உரை

உரை எழுதப்படவில்லை

8 Unavailable

பாடல் கிடைக்கப் பெறவில்லை

இப்பதிகத்தில் 8-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை

9 Unavailable

பாடல் கிடைக்கப் பெறவில்லை

இப்பதிகத்தில் 9-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை

10

சித்தத் துருகிச் சிவனெம் பிரானென்று சிந்தையுள்ளேபித்துப் பெருகப் பிதற்றுகின் றார்பிணி தீர்த்தருளாய்மத்தத் தரக்கன் இருபது தோளு முடியுமெல்லாம்பத்துற் றுறநெரித் தாயெம்மை யாளும் பசுபதியே.

சொற்பிரிப்பு

சித்தத்து உருகிச் சிவன் எம்பிரான் என்று சிந்தையுள்ளேபித்துப் பெருகப் பிதற்றுகின்றார் பிணி தீர்த்து அருளாய்மத்தத்து அரக்கன் இருபது தோளும் முடியும் எல்லாம்பத்துற்று உற நெரித்தாய் எம்மை ஆளும் பசுபதியே.

உரை

உரை எழுதப்படவில்லை

திருச்சிற்றம்பலம்