திருச்சிற்றம்பலம்

திருநல்லூர்ப்பெருமணம்

அருளியவர்: திருஞானசம்பந்தர்
பண்: அந்தாளிக்குறிஞ்சி
தலம்: நல்லூர்ப்பெருமணம்
நாடு: சோழநாடு காவிரி வடகரை

1

கல்லூர்ப் பெருமணம் வேண்டா கழுமலம்பல்லூர்ப் பெருமணம் பாட்டுமெய் யாய்த்திலசொல்லூர்ப் பெருமணஞ் சூடல ரேதொண்டர்நல்லூர்ப் பெருமண மேயநம் பானே.

சொற்பிரிப்பு

கல் ஊர்ப் பெரு மணம் வேண்டா கழுமலம்பல் ஊர்ப் பெரு மணம் பாட்டு மெய் ஆய்த்தில?சொல் ஊர்ப் பெரு மணம் சூடலரே! தொண்டர்நல்லூர்ப்பெருமணம் மேய நம்பானே!

உரை

உரை எழுதப்படவில்லை

2

தருமண லோதஞ்சேர் தண்கடல் நித்திலம்பருமண லாக்கொண்டு பாவைநல் லார்கள்வருமணங் கூட்டி மணஞ்செயும் நல்லூர்ப்பெருமணத் தான்பெண்ணோர் பாகங்கொண் டானே.

சொற்பிரிப்பு

தரு மணல் ஓதம் சேர் தண்கடல் நித்திலம்பரு மணலாக் கொண்டு, பாவை நல்லார்கள்,வரும் மணம் கூட்டி, மணம் செயும் நல்லூர்ப்-பெருமணத்தான் பெண் ஓர் பாகம் கொண்டானே!

உரை

உரை எழுதப்படவில்லை

3

அன்புறு சிந்தைய ராகி அடியவர்நன்புறு நல்லூர்ப் பெருமணம் மேவிநின்றின்புறும் எந்தை இணையடி யேத்துவார்துன்புறு வாரல்லர் தொண்டுசெய் வாரே.

சொற்பிரிப்பு

அன்பு உறு சிந்தையர் ஆகி, அடியவர்நன்பு உறு நல்லூர்ப் பெருமணம் மேவி நின்று,இன்பு உறும் எந்தை இணை அடி ஏத்துவார்துன்பு உறுவார் அல்லர்; தொண்டு செய்வாரே.

உரை

உரை எழுதப்படவில்லை

4

வல்லியந் தோலுடை யார்ப்பது போர்ப்பதுகொல்லியல் வேழத் துரிவிரி கோவணம்நல்லிய லார்தொழு நல்லூர்ப் பெருமணம்புல்கிய வாழ்க்கையெம் புண்ணிய னார்க்கே.

சொற்பிரிப்பு

வல்லியந்தோள் உடை ஆர்ப்பது; போர்ப்பதுகொல் இயல் வேழத்து உரி; விரி கோவணம்நல் இயலார் தொழு நல்லூர்ப்பெருமணம்புல்கிய வாழ்க்கை எம் புண்ணியனார்க்கே.

உரை

உரை எழுதப்படவில்லை

5

ஏறுகந் தீரிடு காட்டெரி யாடிவெண்ணீறுகந் தீர்நிரை யார்விரி தேன்கொன்றைநாறுகந் தீர்திரு நல்லூர்ப் பெருமணம்வேறுகந் தீருமை கூறுகந் தீரே.

சொற்பிரிப்பு

ஏறு உகந்தீர்; இடு காட்டு எரி ஆடி, வெண்-நீறு உகந்தீர்; நிரை ஆர் விரி தேன் கொன்றைநாறு உகந்தீர் திரு நல்லூர்ப்பெருமணம்வேறு உகந்தீர்! உமை கூறு உகந்தீரே!

உரை

உரை எழுதப்படவில்லை

6

சிட்டப்பட் டார்க்கெளி யான்செங்கண் வேட்டுவப்பட்டங்கட் டுஞ்சென்னி யான்பதி யாவதுநட்டக்கொட் டாட்டறா நல்லூர்ப் பெருமணத்திட்டப்பட் டாலொத்தி ராலெம்பி ரானீரே.

சொற்பிரிப்பு

சிட்டப்பட்டார்க்கு எளி யான், செங்கண் வேட்டுவப்-பட்டம் கட்டும் சென்னி யான், பதி ஆவதுநட்டக்கொட்டு ஆட்டு அறா நல்லூர்ப்பெருமணத்துஇட்டப்பட்டால் ஒத்தி ரால் எம்பிரானீரே!

உரை

உரை எழுதப்படவில்லை

7

மேகத்த கண்டன்எண் தோளன்வெண் ணீற்றுமைபாகத்தன் பாய்புலித் தோலொடு பந்தித்தநாகத்தன் நல்லூர்ப் பெருமணத் தான்நல்லபோகத்தன் யோகத்தை யேபுரிந் தானே.

சொற்பிரிப்பு

மேகத்த கண்டன், எண் தோளன், வெண் நீற்று உமைபாகத்தன், பாய் புலித் தோலொடு பந்தித்தநாகத்தன்—நல்லூர்ப் பெருமணத்தான்; நல்லபோகத்தன், யோகத்தை யே புரிந்தானே.

உரை

உரை எழுதப்படவில்லை

8

தக்கிருந் தீரன்று தாளால் அரக்கனைஉக்கிருந் தொல்க உயர்வரைக் கீழிட்டுநக்கிருந் தீரின்று நல்லூர்ப் பெருமணம்புக்கிருந் தீரெமைப் போக்கரு ளீரே.

சொற்பிரிப்பு

தக்கு இருந்தீர்! அன்று தாளால் அரக்கனைஉக்கு இருந்து ஒல்க உயர்வரைக்கீழ் இட்டுநக்கு இருந்தீர்; இன்று நல்லூர்ப்பெருமணம்புக்கு இருந்தீர்! எமைப் போக்கு அருளீரே!

உரை

உரை எழுதப்படவில்லை

9

ஏலுந்தண் டாமரை யானும் இயல்புடைமாலுந்தம் மாண்பறி கின்றிலர் மாமறைநாலுந்தம் பாட்டென்பர் நல்லூர்ப் பெருமணம்போலுந்தங் கோயில் புரிசடை யார்க்கே.

சொற்பிரிப்பு

ஏலும் தண் தாமரை யானும் இயல்பு உடைமாலும் தம் மாண்பு அறி கின்றிலர்; மாமறை-நாலும் தம் பாட்டு என்பர்; நல்லூர்ப்பெருமணம்-போலும், தம் கோயில் புரிசடையார்க்கே.

உரை

உரை எழுதப்படவில்லை

10

ஆதர் அமணொடு சாக்கியர் தாஞ்சொல்லும்பேதைமை கேட்டுப் பிணக்குறு வீர்வம்மின்நாதனை நல்லூர்ப் பெருமணம் மேவியவேதன தாள்தொழ வீடெளி தாமே.

சொற்பிரிப்பு

ஆதர் அமணொடு, சாக்கியர், தாம் சொல்லும்பேதைமை கேட்டுப் பிணக்கு உறுவீர்! வம்மின்!நாதனை, நல்லூர்ப் பெருமணம் மேவியவேதன, தாள் தொழ, வீடு எளிது ஆமே.

உரை

உரை எழுதப்படவில்லை

11

நறும்பொழிற் காழியுள் ஞானசம் பந்தன்பெறும்பத நல்லூர்ப் பெருமணத் தானைஉறும்பொரு ளாற்சொன்ன வொண்டமிழ் வல்லார்க்கறும்பழி பாவம் அவலம் இலரே.

சொற்பிரிப்பு

நறும்பொழில் காழியுள் ஞானசம்பந்தன்,பெறும் பத நல்லூர்ப் பெருமணத்தானை,உறும் பொருளால் சொன்ன ஒண்தமிழ் வல்லார்க்குஅறும், பழி பாவம்; அவலம் இலரே.

உரை

உரை எழுதப்படவில்லை

திருச்சிற்றம்பலம்