திருச்சிற்றம்பலம்

திருஓமமாம்புலியூர்

அருளியவர்: திருஞானசம்பந்தர்
பண்: புறநீர்மை
தலம்: ஓமாம்புலியூர்
நாடு: சோழநாடு காவிரி வடகரை

1

பூங்கொடி மடவாள் உமையொரு பாகம் புரிதரு சடைமுடி யடிகள்வீங்கிருள் நட்டம் ஆடுமெம் விகிதர் விருப்பொடும் உறைவிடம் வினவில்தேங்கமழ் பொழிலிற் செழுமலர் கோதிச் செறிதரு வண்டிசை பாடும்ஓங்கிய புகழார் ஓமமாம் புலியூர் உடையவர் வடதளி யதுவே.

சொற்பிரிப்பு

பூங்கொடி மடவாள் உமை ஒருபாகம் புரிதரு சடைமுடி அடிகள்வீங்கு இருள் நட்டம் ஆடும் எம் விகிர்தர், விருப்பொடும் உறைவு இடம் வினவில்தேம் கமழ் பொழிலில் செழு மலர் கோதிச் செறிதரு வண்டு இசை பாடும்ஓங்கிய புகழ் ஆர் ஓமமாம்புலியூர் உடையவர், வடதளி அதுவே.

உரை

உரை எழுதப்படவில்லை

2

சம்பரற் கருளிச் சலந்தரன் வீயத் தழலுமிழ் சக்கரம் படைத்தஎம்பெரு மானார் இமையவ ரேத்த இனிதினங் குறைவிடம் வினவில்அம்பர மாகி யழலுமிழ் புகையின் ஆகுதி யால்மழை பொழியும்உம்பர்க ளேத்தும் ஓமமாம் புலியூர் உடையவர் வடதளி யதுவே.

சொற்பிரிப்பு

சம்பரற்கு அருளி, சலந்தரன் வீயத் தழல் உமிழ் சக்கரம் படைத்தஎம்பெருமானார், இமையவர் ஏத்த, இனிதின் அங்கு உறைவு இடம் வினவில்அம்பரம் ஆகி அழல் உமிழ் புகையின் ஆகுதியால் மழை பொழியும்,உம்பர்கள் ஏத்தும் ஓமமாம்புலியூர் உடையவர், வடதளி அதுவே.

உரை

உரை எழுதப்படவில்லை

3

பாங்குடைத் தவத்துப் பகீரதற் கருளிப் படர்சடைக் கரந்தநீர்க் கங்கைதாங்குதல் தவிர்த்துத் தராதலத் திழித்த தத்துவன் உறைவிடம் வினவில்ஆங்கெரி மூன்றும் அமர்ந்துட னிருந்த அங்கையால் ஆகுதி வேட்கும்ஓங்கிய மறையோர் ஓமமாம் புலியூர் உடையவர் வடதளி யதுவே.

சொற்பிரிப்பு

பாங்கு உடைத் தவத்துப் பகீரதற்கு அருளிப் படர்சடைக்கரந்த நீர்க்கங்கைதாங்குதல் தவிர்த்து, தராதலத்து இழித்த தத்துவன் உறைவுஇடம் வினவில்ஆங்கு எரிமூன்றும் அமர்ந்து உடன் இருந்த அம் கையால் ஆகுதி வேட்கும்ஓங்கிய மறையோர் ஓமமாம்புலியூர் உடையவர் வடதளி அதுவே.

உரை

உரை எழுதப்படவில்லை

4

புற்றர வணிந்து நீறுமெய் பூசிப் பூதங்கள் சூழ்தர வூரூர்பெற்றமொன் றேறிப் பெய்பலி கொள்ளும் பிரானவன் உறைவிடம் வினவில்கற்றநால் வேதம் அங்கமோ ராறுங் கருத்தினார் அருத்தியால் தெரியும்உற்றபல் புகழார் ஓமமாம் புலியூர் உடையவர் வடதளி யதுவே.

சொற்பிரிப்பு

புற்று அரவு அணிந்து, நீறு மெய் பூசி, பூதங்கள் சூழ்தர, ஊர்ஊர்பெற்றம் ஒன்று ஏறிப் பெய் பலி கொள்ளும் பிரான் அவன் உறைவு இடம் வினவில்கற்ற நால்வேதம் அங்கம் ஓர் ஆறும் கருத்தினார் அருத்தியால்—தெரியும்உற்ற பல்புகழார் ஓமமாம்புலியூர் உடையவர் வடதளி அதுவே.

உரை

உரை எழுதப்படவில்லை

5

நிலத்தவர் வானம் ஆள்பவர் கீழோர் துயர்கெட நெடியமாற் கருளால்அலைத்தவல் லசுரர் ஆசற வாழி யளித்தவன் உறைவிடம் வினவில்சலத்தினாற் பொருள்கள் வேண்டுதல் செய்யாத் தன்மையார் நன்மையால் மிக்கஉலப்பில்பல் புகழார் ஓமமாம் புலியூர் உடையவர் வடதளி யதுவே.

சொற்பிரிப்பு

நிலத்தவர், வானம் ஆள்பவர்,கீழோர், துயர் கெட, நெடிய மாற்கு அருளால்,அலைத்த வல் அசுரர் ஆசு அற, ஆழி அளித்தவன் உறைவுஇடம் வினவில்சலத்தினால் பொருள்கள் வேண்டுதல் செய்யாத் தன்மையார், நன்மையால் மிக்கஉலப்பு இல் பல்புகழார், ஓமமாம்புலியூர் உடையவர் வடதளி அதுவே.

உரை

உரை எழுதப்படவில்லை

6

மணந்திகழ் திசைகள் எட்டும்ஏ ழிசையும் மலியுமா றங்கம்ஐ வேள்விஇணைந்தநால் வேதம் மூன்றெரி யிரண்டு பிறப்பென வொருமையா லுணரும்குணங்களும் அவற்றின் கொள்பொருள் குற்றம் மற்றவை யுற்றது மெல்லாம்உணர்ந்தவர் வாழும் ஓமமாம் புலியூர் உடையவன் வடதளி யதுவே.

சொற்பிரிப்பு

மணம் திகழ் திசைகள் எட்டும், ஏழ் இசையும், மலியும் ஆறு அங்கம், ஐவேள்வி,இணைந்த நால்வேதம், மூன்றுஎரி, இரண்டு பிறப்பு, என ஒருமையால் உணரும்குணங்களும், அவற்றின் கொள் பொருள் குற்றம் மற்றுஅவை உற்றதும், எல்லாம்உணர்ந்தவர் வாழும் ஓமமாம்புலியூர் உடையவர் வடதளிஅதுவே.

உரை

உரை எழுதப்படவில்லை

7 Unavailable

பாடல் கிடைக்கப் பெறவில்லை

இப்பதிகத்தில் 7-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை

8

தலையொரு பத்துந் தடக்கைய திரட்டி தானுடை அரக்கனொண் கயிலைஅலைவது செய்த அவன்திறல் கெடுத்த ஆதியார் உறைவிடம் வினவில்மலையென வோங்கும் மாளிகை நிலவும் மாமதில் மாற்றல ரென்றும்உலவுபல் புகழார் ஓமமாம் புலியூர் உடையவர் வடதளி யதுவே.

சொற்பிரிப்பு

தலை ஒரு பத்தும் தடக்கை அது இரட்டி தான் உடை அரக்கன் ஒண்கயிலைஅலைவது செய்த அவன் திறல் கெடுத்த ஆதியார் உறைவு இடம் வினவில்மலை என ஓங்கும் மாளிகை நிலவும், மா மதில் மாற்றலர்என்றும்உலவு பல்புகழ் ஆர் ஓமமாம்புலியூர் உடையவர் வடதளி அதுவே.

உரை

உரை எழுதப்படவில்லை

9

கள்ளவிழ் மலர்மே லிருந்தவன் கரியோன் என்றிவர் காண்பரி தாயஒள்ளெரி யுருவர் உமையவ ளோடும் உகந்தினி துறைவிடம் வினவில்பள்ளநீர் வாளை பாய்தரு கழனிப் பனிமலர்ச் சோலைசூ ழாலைஒள்ளிய புகழார் ஓமமாம் புலியூர் உடையவர் வடதளி யதுவே.

சொற்பிரிப்பு

கள் அவிழ் மலர்மேல் இருந்தவன், கரியோன், என்று இவர் காண்பு அரிது ஆயஒள் எரி உருவர் உமையவளோடும் உகந்து இனிது உறைவு இடம் வினவில்பள்ள நீர் வாளை பாய்தரு கழனிப், பனிமலர்ச்சோலை சூழ்ஆலை,ஒள்ளிய புகழ் ஆர் ஓமமாம்புலியூர் உடையவர் வடதளிஅதுவே.

உரை

உரை எழுதப்படவில்லை

10

தெள்ளிய ரல்லாத் தேரரோ டமணர் தடுக்கொடு சீவரம் உடுக்கும்கள்ளமார் மனத்துக் கலதிகட் கருளாக் கடவுளார் உறைவிடம் வினவில்நள்ளிருள் யாமம் நான்மறை தெரிந்து நலந்திகழ் மூன்றெரி யோம்பும்ஒள்ளியார் வாழும் ஓமமாம் புலியூர் உடையவர் வடதளி யதுவே.

சொற்பிரிப்பு

தெள்ளியர் அல்லாத் தேரரொடு அமணர், தடுக்கொடு சீவரம்உடுக்கும்கள்ளம் ஆர் மனத்துக் கலதிகட்கு அருளாக் கடவுளார் உறைவு இடம் வினவில்நள் இருள் யாமம் நால்மறை தெரிந்து, நலம் திகழ் மூன்று எரி ஓம்பும்ஒள்ளியார் வாழும் ஓமமாம்புலியூர் உடையவர் வடதளி அதுவே.

உரை

உரை எழுதப்படவில்லை

11

விளைதரு வயலுள் வெயில்செறி பவளம் மேதிகள் மேய்புலத் திடறிஒளிதர மல்கும் ஓமமாம் புலியூர் உடையவர் வடதளி யரனைக்களிதரு நிவப்பிற் காண்டகு செல்வக் காழியுள் ஞானசம் பந்தன்அளிதரு பாடல் பத்தும்வல் லார்கள் அமரலோ கத்திருப் பாரே.

சொற்பிரிப்பு

விளைதரு வயலுள் வெயில் செறி பவளம் மேதிகள் மேய்புலத்து இடறிஒளிதர மல்கும் ஓமமாம்புலியூர் உடையவர் வடதளி அரனை,களி தரு நிவப்பின் காண்தகு செல்வக் காழியுள் ஞானசம்பந்தன்,அளிதரு பாடல்பத்தும் வல்லார்கள், அமரலோகத்து இருப்பாரே.

உரை

உரை எழுதப்படவில்லை

திருச்சிற்றம்பலம்