திருச்சிற்றம்பலம்

திருவீழிமிழலை

அருளியவர்: திருஞானசம்பந்தர்
பண்: பழம்பஞ்சுரம்
தலம்: வீழிமிழலை
நாடு: சோழநாடு காவிரித் தென்கரை

1

துன்று கொன்றைநஞ் சடையதே தூய கண்டநஞ் சடையதேகன்றின் மானிடக் கையதே கல்லின் மானிடக் கையதேயென்று மேறுவ திடவமேயென்னி டைப்பலி யிடவமேநின்ற தும்மிழலை யுள்ளுமே நீரெனைச் சிறிது முள்ளுமே.

சொற்பிரிப்பு

துன்று கொன்றை நம் சடையதே; தூய கண்டம் நஞ்சு அடையதே;கன்றின்மான் இடக் கையதே; கல்லின்மான் இடக்கை அதே;என்றும் ஏறுவது இடவமே; என் இடைப் பலி இட வ(ம்)மே!நின்றதும் மிழலையுள்ளுமே; நீர் எனைச் சிறிதும் உள்ளுமே!

உரை

உரை எழுதப்படவில்லை

2

ஓதி வாயதும் மறைகளே யுரைப்ப தும்பல மறைகளேபாதி கொண்டதும் மாதையே பணிகின் றேன்மிகு மாதையேகாது சேர்கனங் குழையரே காத லார்கனங் குழையரேவீதி வாய்மிகும் வேதியா மிழலை மேவிய வேதியா.

சொற்பிரிப்பு

ஓதி வாயதும் மறைகளே; உரைப்பதும் பலமறைகளேபாதி கொண்டதும் மாதையே; பணிகின்றேன், மிகும் மாதையே;காது சேர் கனம் குழையரே; காதலார் கனம் குழையரே;வீதிவாய் மிகும் வேதியா; மிழலை மேவிய வேதியா!

உரை

உரை எழுதப்படவில்லை

3

பாடு கின்றபண் டாரமே பத்த ரன்னபண் டாரமேசூடு கின்றது மத்தமே தொழுத வென்னையுன் மத்தமேநீடு செய்வதுந் தக்கதே நின்ன ரைத்திகழ்ந் தக்கதேநாடு சேர்மிழலை யூருமே நாகம் நஞ்சழலை யூருமே.

சொற்பிரிப்பு

பாடுகின்ற பண் தாரமே; பத்தர் அன்ன பண்டாரமே;சூடுகின்றது மத்தமே; தொழுத என்னை உன்மத்தமேநீடு செய்வதும் தக்கதே? நின் அரைத் திகழ்ந்தது அக்கு அதே;நாடு சேர் மிழலை, ஊருமே; நாகம் நஞ்சு அழலை ஊருமே.

உரை

உரை எழுதப்படவில்லை

4

கட்டு கின்றகழ ணாகமே காய்ந்த துமதன னாகமேயிட்ட மாவதிசை பாடலே யிசைந்த நூலினமர் பாடலேகொட்டு வான்முழவம் வாணனே குலாய சீர்மிழலை வாணனேநட்ட மாடுவது சந்தியே நானுய் தற்கிரவு சந்தியே.

சொற்பிரிப்பு

கட்டுகின்ற கழல் நாகமே; காய்ந்ததும் மதனன் ஆகமே;இட்டம் ஆவது இசை பாடலே; இசைந்த நூலின் அமர்பு ஆடலே;கொட்டுவான் முழவம், வாணனே; குலாய சீர் மிழலை வாணனே!நட்டம் ஆடுவது சந்தியே; நான் உய்தற்கு இரவு சந்தியே!

உரை

உரை எழுதப்படவில்லை

5

ஓவி லாதிடுங் கரணமே யுன்னு மென்னுடைக் கரணமேயேவு சேர்வுநின் னாணையே யருளி னின்னபொற் றாணையேபாவி யாதுரை மெய்யிலே பயின்ற நின்னடி மெய்யிலேமேவி னான்விறற் கண்ணனே மிழலை மேயமுக் கண்ணனே.

சொற்பிரிப்பு

ஓவு இலாது இடும் கரணமே, உன்னும் என்னுடைக் கரணமே;ஏவு சேர்வும் நின் ஆணையே; அருளில் நின்ன பொற்று ஆணையே;பாவியாது உரை மெய் இலே; பயின்ற நின் அடி மெய்யிலேமேவினான் விறல் கண்ணனே மிழலை மேய முக்கண்ணனே!

உரை

உரை எழுதப்படவில்லை

6

வாய்ந்த மேனியெரி வண்ணமே மகிழ்ந்து பாடுவது வண்ணமேகாய்ந்து வீழ்ந்தவன் காலனே கடுந டஞ்செயுங் காலனேபோந்த தெம்மிடை யிரவிலே உம்மி டைக்கள்வ மிரவிலேமேய்ந்த தும்மிழலை யென்பதே விரும்பி யேயணிவ தென்பதே.

சொற்பிரிப்பு

வாய்ந்த மேனி எரிவண்ணமே; மகிழ்ந்து பாடுவது வண்ணமே;காய்ந்து வீழ்ந்தவன் காலனே; கடு நடம் செயும் காலனே;போந்தது எம் இடை இரவிலே; உம் இடைக் கள்வம் இரவிலே;ஏய்ந்ததும் மிழலை என்பதே; விரும்பியே அணிவது என்பு அதே.

உரை

உரை எழுதப்படவில்லை

7

அப்பி யன்றகண் ணயனுமே யமரர் கோமகனு மயனுமேயொப்பி லின்றமரர் தருவதே யொண்கை யாலமரர் தருவதேமெய்ப்ப யின்றவ ரிருக்கையே மிழலை யூரும திருக்கையேசெப்பு மின்னெருது மேயுமே சேர்வுமக் கெருது மேயுமே.

சொற்பிரிப்பு

அப்பு இயன்ற கண் அயனுமே, அமரர்கோமகனும், அயனுமே,ஒப்பு இல் இன்று, அமரர், தருவதே, ஒண் கையால் அமரர் தரு அதே;மெய்ப் பயின்றவர், இருக்கையே, மிழலை ஊர் உமது இருக்கையே;செப்புமின்(ன்), எருது மேயுமே! சேர்வு உமக்கு எருதும் ஏயுமே.

உரை

உரை எழுதப்படவில்லை

8

தானவக் குலம் விளக்கியே தாரகைச் செல விளக்கியேவான டர்த்தகயி லாயமே வந்து மேவுகயி லாயமேதானெ டுத்தவல் லரக்கனே தடமு டித்திர ளரக்கனேமேன டைச்செல விருப்பனே மிழலை நற்பதி விருப்பனே.

சொற்பிரிப்பு

தானவக் குலம் விளக்கியே, தாரகைச் செலவு இளக்கியே,வான் அடர்த்த கயில் ஆயமே, வந்து மேவு கயிலாயமேதான் எடுத்த வல் அரக்கனே, தட முடித்திரள் அரக்கனே,மேல் நடைச் செல இருப்பனே; மிழலை நன் பதிவிருப்பனே.

உரை

உரை எழுதப்படவில்லை

9

காய மிக்கதொரு பன்றியே கலந்த நின்னவுரு பன்றியேயேய விப்புவி மயங்கவே யிருவர் தாமன மயங்கவேதூய மெய்த்திர ளகண்டனே தோன்றி நின்றமணி கண்டனேமேய வித்துயில் விலக்கணா மிழலை மேவிய விலக்கணா.

சொற்பிரிப்பு

காயம் மிக்கது ஒரு பன்றியே, கலந்த நின்ன உருபு அன்றியே,ஏய இப் புவி மயங்கவே, இருவர்தாம் மனம் அயங்கவே,தூய மெய்த்திரள் அகண்டனே! தோன்றி நின்ற மணிகண்டனே!மேய இத் துயில் விலக்கு, அ(ண்)ணா! மிழலை மேவிய இலக்கணா!

உரை

உரை எழுதப்படவில்லை

10

கஞ்சி யைக்குலவு கையரே கலக்க மாரமணர் கையரேயஞ்ச வாதிலருள் செய்யநீ யணைந்தி டும்பரிசு செய்யநீவஞ்ச னேவரவும் வல்லையே மதித்தெ னைச்சிறிதும் வல்லையேவெஞ்ச லின்றிவரு வித்தகா மிழலை சேரும்விறல் வித்தகா.

சொற்பிரிப்பு

கஞ்சியைக் குலவு கையரே, கலக்கம் ஆர் அமணர்கையரே,அஞ்ச, வாதில் அருள் செய்யநீ, அணைந்திடும் பரிசு செய்ய, நீவஞ்சனே! வரவும் வல்லையே, மதித்து, எனைச் சிறிதும் வல்லையே?வெஞ்சல் இன்றி வரு இவ் தகா மிழலை சேரும் விறல்வித்தகா!

உரை

உரை எழுதப்படவில்லை

11

மேய செஞ்சடையி னப்பனே மிழலை மேவியவெ னப்பனேயேயுமா செய விருப்பனே யிசைந்த வாசெய விருப்பனேகாய வர்க்கசம் பந்தனே காழி ஞானசம் பந்தனேவாயு ரைத்ததமிழ் பத்துமே வல்லவர்க் குமிவை பத்துமே.

சொற்பிரிப்பு

மேய செஞ்சடையின் அப்பனே! மிழலை மேவிய என்அப்பனே!ஏயுமா செய இருப்பனே இசைந்தவா செய விருப்பனே!காய வர்க்க(அ) சம்பந்தனே! காழி ஞானசம்பந்தனேவாய் உரைத்த தமிழ்பத்துமே வல்லவர்க்கும் இவை பத்துமே.

உரை

உரை எழுதப்படவில்லை

திருச்சிற்றம்பலம்