திருச்சிற்றம்பலம்

திருப்பிரமபுரம்

அருளியவர்: திருஞானசம்பந்தர்
பண்: பழம்பஞ்சுரம்
தலம்: சீர்காழி - பல்பெயர்ப்பத்து
நாடு: சோழநாடு காவிரி வடகரை

மூன்றாம் திருமுறை ›

1

வரம தேகொளா உரம தேசெயும்புரமெ ரித்தவன் பிரம நற்புரத்தரன்நன் நாமமே பரவு வார்கள்சீர்விரவு நீள்புவியே.

சொற்பிரிப்பு

வரம் அதே கொளா, உரம் அதே செயும்புரம் எரித்தவன்—பிரமநல்புரத்துஅரன்—நன்நாமமே பரவுவார்கள் சீர்விரவும், நீள் புவியே.

உரை

உரை எழுதப்படவில்லை

2

சேணு லாமதில் வேணு மண்ணுளோர்காண மன்றலார் வேணு நற்புரத்தாணு வின்கழல் பேணு கின்றவராணி யொத்தவரே.

சொற்பிரிப்பு

சேண் உலாம் மதில் வேணு மண் உளோர்காண மன்றில் ஆர் வேணுநல்புரத்தாணுவின் கழல் பேணுகின்றவர்ஆணி ஒத்தவரே.

உரை

உரை எழுதப்படவில்லை

3

அகல மார்தரைப் புகலும் நான்மறைக்கிகலி யோர்கள்வாழ் புகலி மாநகர்ப்பகல்செய் வோனெதிர்ச் சகல சேகரன்அகில நாயகனே.

சொற்பிரிப்பு

அகலம் ஆர் தரைப் புகலும் நால்மறைக்குஇகல் இலோர்கள்வாழ் புகலி மா நகர்,பகல் செய்வோன் எதிர்ச் சகல சேகரன்அகில நாயகனே.

உரை

உரை எழுதப்படவில்லை

4

துங்க மாகரி பங்க மாவடுஞ்செங்கை யானிகழ் வெங்கு ருத்திகழ்அங்க ணானடி தங்கை யாற்றொழத்தங்கு மோவினையே.

சொற்பிரிப்பு

துங்க மாகரி பங்கமா அடும்செங் கையான் நிகழ் வெங்குருத் திகழ்அங்கணான் அடி தம் கையால்—தொழ,தங்குமோ, வினையே?

உரை

உரை எழுதப்படவில்லை

5

காணி யொண்பொருட் கற்ற வர்க்கீகையுடைமை யோரவர் காதல் செய்யுநற்றோணி வண்புரத் தாணி யென்பவர்தூமதி யினரே.

சொற்பிரிப்பு

“காணி, ஒண் பொருள், கற்றவர்க்கு ஈகைஉடைமையோர் அவர் காதல் செய்யும் நல்-தோணிவண் புரத்து ஆணி” என்பவர்தூ மதியினரே.

உரை

உரை எழுதப்படவில்லை

6

ஏந்த ராவெதிர் வாய்ந்த நுண்ணிடைப்பூந்த ணோதியாள் சேர்ந்த பங்கினன்பூந்த ராய்தொழும் மாந்தர் மேனிமேற்சேர்ந்தி ராவினையே.

சொற்பிரிப்பு

ஏந்து அரா எதிர் வாய்ந்த நுண் இடைப்பூந் தண் ஓதியாள் சேர்ந்த பங்கினன்பூந்தராய் தொழும் மாந்தர் மேனிமேல்சேர்ந்து இரா, வினையே.

உரை

உரை எழுதப்படவில்லை

7

சுரபு ரத்தினைத் துயர்செய் தாருகன்துஞ்ச வெஞ்சினக் காளி யைத்தருஞ்சிரபு ரத்துளா னென்ன வல்லவர்சித்தி பெற்றவரே.

சொற்பிரிப்பு

“சுரபுரத்தினைத் துயர் செய் தாருகன்துஞ்ச, வெஞ்சினக் காளியைத் தரும்சிரபுரத்து உளான்” என்ன வல்லவர்சித்தி பெற்றவரே.

உரை

உரை எழுதப்படவில்லை

8

உறவு மாகியற் றவர்க ளுக்குமாநெதிகொ டுத்துநீள் புவியி லங்குசீர்ப்புறவ மாநகர்க் கிறைவ னேயெனத்தெறகி லாவினையே.

சொற்பிரிப்பு

“உறவும் ஆகி, அற்றவர்களுக்கு மாநெதி கொடுத்து, நீள் புவி இலங்கு சீர்ப்புறவ மா நகர்க்கு இறைவனே!” என,தெறகிலா, வினையே.

உரை

உரை எழுதப்படவில்லை

9

பண்பு சேரிலங் கைக்கு நாதன்நன்முடிகள் பத்தையுங் கெடநெ ரித்தவன்சண்பை யாதியைத் தொழும வர்களைச்சாதியா வினையே.

சொற்பிரிப்பு

பண்பு சேர் இலங்கைக்கு நாதன்நல் முடிகள் பத்தையும் கெட நெரித்தவன்,சண்பை ஆதியைத் தொழுமவர்களைச்சாதியா, வினையே.

உரை

உரை எழுதப்படவில்லை

10

ஆழி யங்கையிற் கொண்ட மாலயன்அறிவொ ணாததோர் வடிவு கொண்டவன்காழி மாநகர்க் கடவுள் நாமமேகற்றல் நற்றவமே.

சொற்பிரிப்பு

ஆழி அங்கையில் கொண்ட மால், அயன்,அறிவு ஒணாதது ஓர் வடிவு கொண்டவன்-காழி மா நகர்க் கடவுள் நாமமேகற்றல் நல்—தவமே.

உரை

உரை எழுதப்படவில்லை

11

விச்சை யொன்றிலாச் சமணர் சாக்கியப்பிச்சர் தங்களைக் கரிச றுத்தவன்கொச்சை மாநகர்க் கன்பு செய்பவர்குணங்கள் கூறுமினே.

சொற்பிரிப்பு

விச்சை ஒன்று இலாச் சமணர் சாக்கியப்பிச்சர் தங்களைக் கரிசு அறுத்தவன்கொச்சை மா நகர்க்கு அன்பு செய்பவர்குணங்கள் கூறுமினே!

உரை

உரை எழுதப்படவில்லை

12

கழும லத்தினுட் கடவுள் பாதமேகருது ஞானசம் பந்த னின்றமிழ்முழுதும் வல்லவர்க் கின்ப மேதரும்முக்கண் எம்மிறையே.

சொற்பிரிப்பு

கழுமலத்தினுள் கடவுள் பாதமேகருது ஞானசம்பந்தன் இன்தமிழ்முழுதும் வல்லவர்க்கு இன்பமே தரும்,முக்கண் எம் இறையே.

உரை

உரை எழுதப்படவில்லை

திருச்சிற்றம்பலம்