1
வேலி னேர்தரு கண்ணி னாளுமைபங்க னங்கணன் மிழலை மாநகர்ஆல நீழலின் மேவி னானடிக்கன்பர் துன்பிலரே.
சொற்பிரிப்பு
வேலின் நேர்தரு கண்ணினாள் உமைபங்கன்—அங்கணன், மிழலை மா நகர்ஆல நீழலில் மேவினான்—அடிக்குஅன்பர் துன்பு இலரே.
உரை
உரை எழுதப்படவில்லை
திருச்சிற்றம்பலம்
திருவீழிமிழலை
2
விளங்கு நான்மறை வல்ல வேதியர்மல்கு சீர்வளர் மிழலை யானடிஉளங்கொள் வார்தமை உளங்கொள் வார்வினைஒல்லை யாசறுமே.
சொற்பிரிப்பு
விளங்கும் நால்மறை வல்ல வேதியர்மல்கு சீர் வளர்மிழலையான் அடிஉளம் கொள்வார் தமை உளம்கொள் வார் வினைஒல்லை ஆசு அறுமே.
உரை
உரை எழுதப்படவில்லை
3
விசையி னோடெழு பசையு நஞ்சினையசைவு செய்தவன் மிழலை மாநகர்இசையு மீசனை நசையின் மேவினான்மிசை செயாவினையே.
சொற்பிரிப்பு
விசையினோடு எழு பசையும் நஞ்சினைஅசைவு செய்தவன், மிழலை மா நகர்இசையும் ஈசனை நசையின் மேவினால்,மிசை செயா,வினையே.
உரை
உரை எழுதப்படவில்லை
4
வென்றி சேர்கொடி மூடு மாமதில்மிழலை மாநகர் மேவி நாடொறும்நின்ற ஆதிதன் அடிநி னைப்பவர்துன்ப மொன்றிலரே.
சொற்பிரிப்பு
வென்றி சேர் கொடி மூடு மா மதில்மிழலை மா நகர் மேவிநாள்தொறும்,நின்ற ஆதிதன் அடி நினைப்பவர்துன்பம் ஒன்று இலரே.
உரை
உரை எழுதப்படவில்லை
5
போத கந்தனை யுரிசெய் தோன்புயல்நேர்வ ரும்பொழில் மிழலை மாநகர்ஆத ரஞ்செய்த அடிகள் பாதமலாலொர் பற்றிலமே.
சொற்பிரிப்பு
போதகம் தனை உரி செய்தோன், புயல்நேர் வரும் பொழில் மிழலை மா நகர்ஆதரம் செய்த அடிகள், பாதம்அலால் ஒர் பற்று இலமே.
உரை
உரை எழுதப்படவில்லை
6
தக்கன் வேள்வியைச் சாடி னார்மணிதொக்க மாளிகை மிழலை மேவியநக்க னாரடி தொழுவர் மேல்வினைநாடொ றுங்கெடுமே.
சொற்பிரிப்பு
தக்கன் வேள்வியைச் சாடினார், மணிதொக்க மாளிகை மிழலை மேவியநக்கனார், அடி தொழுவர் மேல் வினைநாள்தொறும் கெடுமே.
உரை
உரை எழுதப்படவில்லை
7
போர ணாவுமுப் புரமெ ரித்தவன்பொழில்கள் சூழ்தரு மிழலை மாநகர்ச்சேரு மீசனைச் சிந்தை செய்பவர்தீவி னைகெடுமே.
சொற்பிரிப்பு
போர் அணாவு முப்புரம் எரித்தவன்,பொழில்கள் சூழ்தரு மிழலை மா நகர்ச்சேரும் ஈசனைச் சிந்தை செய்பவர்தீவினை கெடுமே.
உரை
உரை எழுதப்படவில்லை
8
இரக்க மிஃறொழில் அரக்க னாருடல்நெருக்கி னான்மிகு மிழலை யானடிசிரக்கொள் பூவென ஒருக்கி னார்புகழ்பரக்கும் நீள்புவியே.
சொற்பிரிப்பு
இரக்கம் இல்—தொழில் அரக்கனார் உடல்நெருக்கினான்,மிகு மிழலையான், அடிசிரக் கொள் பூ என ஒருக்கினார் புகழ்பரக்கும், நீள்புவியே.
உரை
உரை எழுதப்படவில்லை
9
துன்று பூமகன் பன்றி யானவன்ஒன்று மோர்கிலா மிழலை யானடிசென்று பூம்புனல் நின்று தூவினார்நன்று சேர்பவரே.
சொற்பிரிப்பு
துன்று பூமகன், பன்றி ஆனவன்,ஒன்றும் ஓர்கிலாமிழலையான் அடிசென்று பூம்புனல் நின்று தூவினார்நன்று சேர்பவரே.
உரை
உரை எழுதப்படவில்லை
10
புத்தர் கைச்சமண் பித்தர் பொய்க்குவைவைத்த வித்தகன் மிழலை மாநகர்சித்தம் வைத்தவர் இத்த லத்தினுள்மெய்த்த வத்தவரே.
சொற்பிரிப்பு
புத்தர், கைச் சமண்பித்தர், பொய்க் குவைவைத்த வித்தகன்மிழலை மா நகர்சித்தம் வைத்தவர் இத் தலத்தினுள்மெய்த் தவத்தவரே.
உரை
உரை எழுதப்படவில்லை
11
சந்த மார்பொழில் மிழலை யீசனைச்சண்பை ஞானசம் பந்தன் வாய்நவில்பந்த மார்தமிழ் பத்தும் வல்லவர்பத்த ராகுவரே.
சொற்பிரிப்பு
சந்தம் ஆர் பொழில் மிழலை ஈசனைச்சண்பைஞானசம்பந்தன் வாய் நவில்பந்தம் ஆர் தமிழ்பத்தும் வல்லவர்பத்தர் ஆகுவரே.
உரை
உரை எழுதப்படவில்லை
திருச்சிற்றம்பலம்