திருச்சிற்றம்பலம்

திருஆலவாய்

அருளியவர்: திருஞானசம்பந்தர்
பண்: பழம்பஞ்சுரம்
தலம்: ஆலவாய் (மதுரை)
நாடு: பாண்டியநாடு

1

வேத வேள்வியை நிந்தனை செய்துழல்ஆத மில்லி அமணொடு தேரரைவாதில் வென்றழிக் கத்திரு வுள்ளமேபாதி மாதுட னாய பரமனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

வேத வேள்வியை நிந்தனை செய்து உழல்ஆதம் இ(ல்)லி அமணொடு தேரரைவாதில் வென்று அழிக்கத் திரு உள்ளமே?பாதி மாது உடன் ஆய பரமனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

2

வைதி கத்தின் வழியொழு காதவக்கைத வமுடைக் காரமண் தேரரைஎய்தி வாதுசெ யத்திரு வுள்ளமேமைதி கழ்தரு மாமணி கண்டனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

வைதிகத்தின் வழி ஒழுகாத அக்கைதவம்(ம்) உடைக் கார் அமண் தேரரைஎய்தி, வாதுசெயத் திரு உள்ளமே?மை திகழ்தரு மா மணிகண்டனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

3

மறைவ ழக்கமி லாதமா பாவிகள்பறித லைக்கையர் பாயுடுப் பார்களைமுறிய வாதுசெ யத்திரு வுள்ளமேமறியு லாங்கையில் மாமழு வாளனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

மறை வழக்கம் இலாத மா பாவிகள்பறி தலைக் கையர், பாய் உடுப்பார்களைமுறிய, வாதுசெயத் திரு உள்ளமே?மறி உலாம் கையில் மா மழுவாளனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

4

அறுத்த வங்கமா றாயின நீர்மையைக்கறுத்த வாழமண் கையர்கள் தம்மொடுஞ்செறுத்து வாதுசெ யத்திரு வுள்ளமேமுறித்த வாண்மதிக் கண்ணி முதல்வனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

அறுத்த அங்கம் ஆறு ஆயின நீர்மையைக்கறுத்து வாழ் அமண்கையர்கள் தம்மொடும்செறுத்து, வாதுசெயத் திரு உள்ளமே?முறித்த வாள் மதிக்கண்ணி முதல்வனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

5

அந்த ணாளர் புரியும் அருமறைசிந்தை செய்யா அருகர் திறங்களைச்சிந்த வாதுசெ யத்திரு வுள்ளமேவெந்த நீற தணியும் விகிர்தனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

அந்தணாளர் புரியும் அருமறைசிந்தை செய்யா அருகர் திறங்களைச்சிந்த, வாதுசெயத் திரு உள்ளமே?வெந்த நீறு அது அணியும் விகிர்தனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

6

வேட்டு வேள்வி செயும்பொரு ளைவிளிமூட்டு சிந்தை முருட்டமண் குண்டரைஓட்டி வாதுசெ யத்திரு வுள்ளமேகாட்டி லானை உரித்தஎங் கள்வனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

வேட்டு வேள்வி செயும் பொருளை விளிமூட்டு சிந்தை முருட்டு அமண்குண்டரைஓட்டி, வாதுசெயத் திரு உள்ளமே?காட்டில் ஆனை உரித்த எம் கள்வனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

7

அழல தோம்பும் அருமறை யோர்திறம்விழல தென்னும் அருகர் திறத்திறங்கழல வாதுசெ யத்திரு வுள்ளமேதழல்இ லங்கு திருவுருச் சைவனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

அழல் அது ஓம்பும் அருமறையோர் திறம்விழலது என்னும் அருகர் திறத்திறம்கழல, வாதுசெயத் திரு உள்ளமே?தழல் இலங்கு திரு உருச் சைவனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

8

நீற்று மேனிய ராயினர் மேலுற்றகாற்றுக் கொள்ளவும் நில்லா அமணரைத்தேற்றி வாதுசெ யத்திரு வுள்ளமேஆற்ற வாளரக் கற்கும் அருளினாய் ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

நீற்று மேனியர் ஆயினர் மேல் உற்றகாற்றுக் கொள்ளவும் நில்லா அமணரைத்தேற்றி, வாதுசெயத் திரு உள்ளமே?ஆற்ற வாள் அரக்கற்கும் அருளினாய்! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

9

நீல மேனி அமணர் திறத்துநின்சீலம் வாதுசெ யத்திரு வுள்ளமேமாலும் நான்முக னுங்காண் பரியதோர்கோல மேனிய தாகிய குன்றமே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

நீல மேனி அமணர் திறத்து நின்சீலம் வாது செயத் திரு உள்ளமே?மாலும் நான்முகனும் காண்பு அரியது ஓர்கோலம் மேனி அது ஆகிய குன்றமே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

10

அன்று முப்புரஞ் செற்ற அழகநின்துன்று பொற்கழல் பேணா அருகரைத்தென்ற வாதுசெ யத்திரு வுள்ளமேகன்று சாக்கியர் காணாத் தலைவனே ஞாலம் நின்புக ழேமிக வேண்டுந்தென் ஆல வாயில் உறையும்எம் ஆதியே.

சொற்பிரிப்பு

அன்று முப்புரம் செற்ற அழக! நின்துன்று பொன்கழல் பேணா அருகரைத்தென்ற வாதுசெயத் திரு உள்ளமே?கன்று சாக்கியர் காணாத் தலைவனே! ஞாலம் நின் புகழே மிக வேண்டும், தென் ஆலவாயில் உறையும் எம் ஆதியே!

உரை

உரை எழுதப்படவில்லை

11

கூடல் ஆலவாய்க் கோனை விடைகொண்டுவாடல் மேனி அமணரை வாட்டிடமாடக் காழிச்சம் பந்தன் மதித்தஇப்பாடல் வல்லவர் பாக்கிய வாளரே.

சொற்பிரிப்பு

கூடல் ஆலவாய்க் கோனை விடைகொண்டுவாடல் மேனி அமணரை வாட்டிட,மாடக் காழிச் சம்பந்தன் மதித்த இப்பாடல் வல்லவர் பாக்கியவாளரே.

உரை

உரை எழுதப்படவில்லை

திருச்சிற்றம்பலம்