திருச்சிற்றம்பலம்

திருப்பட்டீச்சரம்

அருளியவர்: திருஞானசம்பந்தர்
பண்: சாதாரி
தலம்: பட்டீச்சரம்
நாடு: சோழநாடு காவிரித் தென்கரை

1

பாடன்மறை சூடன்மதி பல்வளையொர் பாகமதில் மூன்றோர்கணையாற்கூடஎரி யூட்டியெழில் காட்டிநிழல் கூட்டுபொழில் சூழ்பழைசையுள்மாடமழ பாடியுறை பட்டிசர மேயகடி கட்டரவினார்வேடநிலை கொண்டவரை வீடுநெறி காட்டிவினை வீடுமவரே.

சொற்பிரிப்பு

பாடல் மறை, சூடல் மதி, பல்வளை ஒர் பாகம் மதில் மூன்று ஒர் கணையால்கூட எரியூட்டி, எழில் காட்டி, நிழல் கூட்டு பொழில் சூழ் பழைசையுள்மாட மழபாடி உறை பட்டிசுரம் மேய, கடி கட்டு அரவினார்வேடம் நிலை கொண்டவரை வீடுநெறி காட்டி, வினைவீடுமவரே.

உரை

உரை எழுதப்படவில்லை

2

நீரின்மலி புன்சடையர் நீளரவு கச்சையது நச்சிலையதோர்கூரின்மலி சூலமது ஏந்தியுடை கோவணமும் மானின்உரிதோல்காரின்மலி கொன்றைவிரி தார்கடவுள் காதல்செய்து மேயநகர்தான்பாரின்மலி சீர்பழைசை பட்டிசர மேத்தவினை பற்றழியுமே.

சொற்பிரிப்பு

நீரின் மலி புன்சடையர்; நீள் அரவு, கச்சை அது; நச்சு இலையது ஓர்கூரின் மலி சூலம் அது ஏந்தி; உடை கோவணமும், மானின் உரி—தோல்;காரின் மலி கொன்றை விரிதார் கடவுள்; காதல் செய்து மேய நகர்தான்,பாரின் மலி சீர் பழைசை பட்டிசுரம்; ஏத்த, வினை பற்று அழியுமே.

உரை

உரை எழுதப்படவில்லை

3

காலைமட வார்கள்புன லாடுவது கௌவைகடி யார்மறுகெலாம்மாலைமணம் நாறுபழை யாறைமழ பாடியழ காயமலிசீர்ப்பாலையன நீறுபுனை மார்பனுறை பட்டிசர மேபரவுவார்மேலையொரு மால்கடல்கள் போற்பெருகி விண்ணுலகம் ஆளுமவரே.

சொற்பிரிப்பு

காலை மடவார்கள் புனல் ஆடுவதுகௌவை, கடி ஆர் மறுகு எலாம்மாலை மணம் நாறு பழையாறை மழபாடி அழகு ஆய மலி சீர்ப்பாலை அன நீறு புனை மார்பன் உறைபட்டிசுரமே பரவுவார்மேலை ஒரு மால்கடல்கள் போல் பெருகி,விண்ணுலகம் ஆளுமவரே.

உரை

உரை எழுதப்படவில்லை

4

கண்ணின்மிசை நண்ணியிழி விப்பமுக மேத்துகமழ் செஞ்சடையினான்பண்ணின்மிசை நின்றுபல பாணிபட ஆடவல பால்மதியினான்மண்ணின்மிசை நேரில்மழ பாடிமலி பட்டிசர மேமருவுவார்விண்ணின்மிசை வாழும்இமை யோரொடுட னாதலது மேவலெளிதே.

சொற்பிரிப்பு

கண்ணின் மிசை நண்ணி இழிவிப்ப, முகம் ஏத்து கமழ் செஞ்சடையினான்,பண்ணின்மிசை நின்று பல பாணி பட ஆட வல பால் மதியினான்,மண்ணின் மிசை நேர் இல் மழபாடி மலி பட்டிசுரமே மருவுவார்விண்ணின் மிசை வாழும் இமையோரொடு உடன்ஆதல்அதுமேவல்எளிதே.

உரை

உரை எழுதப்படவில்லை

5

மருவமுழ வதிரமழ பாடிமலி மத்தவிழ வார்க்கஅரையார்பருவமழை பண்கவர்செய் பட்டிசர மேயபடர் புன்சடையினான்வெருவமத யானையுரி போர்த்துமையை அஞ்சவரு வெள்விடையினான்உருவமெரி கழல்கள்தொழ உள்ளமுடை யாரையடை யாவினைகளே.

சொற்பிரிப்பு

மருவ முழவு அதிர, மழபாடி மலி மத்த விழவு ஆர்க்க, வரை ஆர்பருவ மழை பண் கவர் செய் பட்டிசுரம் மேய படர் புன் சடையினான்;வெருவ மதயானை உரி போர்த்து, உமையை அஞ்ச வரு வெள்விடையினான்;உருவம் எரி; கழல்கள் தொழ உள்ளம் உடை யாரை அடையா, வினைகளே.

உரை

உரை எழுதப்படவில்லை

6

மறையின்ஒலி கீதமொடு பாடுவன பூதமடி மருவிவிரவார்பறையினொலி பெருகநிகழ் நட்டம்அமர் பட்டிசரம் மேயபனிகூர்பிறையினொடு மருவியதொர் சடையினிடை யேற்றபுனல் தோற்றநிலையாம்இறைவனடி முறைமுறையின் ஏத்துமவர் தீத்தொழில்கள் இல்லர்மிகவே.

சொற்பிரிப்பு

மறையின் ஒலி கீதமொடு பாடுவன பூதம் அடி மருவி, விரவு ஆர்பறையின் ஒலி பெருக நிகழ் நட்டம் அமர் பட்டிசுரம் மேய பனி கூர்பிறையினொடுமருவியதுஒர் சடையின் இடை ஏற்ற புனல்தோற்றம்நிலைஆம்இறைவன்அடி முறை முறையின் ஏத்துமவர் தீத்தொழில்கள்இல்லர்மிகவே.

உரை

உரை எழுதப்படவில்லை

7

பிறவிபிணி மூப்பினொடு நீங்கியிமை யோருலகு பேணலுறுவார்துறவியெனும் உள்ளமுடை யார்கள்கொடி வீதியழ காயதொகுசீர்இறைவனுறை பட்டிசர மேத்தியெழு வார்கள்வினை யேதுமிலவாய்நறவவிரை யாலுமொழி யாலும்வழி பாடுமற வாதவவரே.

சொற்பிரிப்பு

பிறவி, பிணி, மூப்பினொடு நீங்கி, இமை யோர் உலகு பேணல்உறுவார்துறவி எனும் உள்ளம் உடையார்கள், கொடி வீதி அழகு ஆய தொகு சீர்இறைவன் உறை பட்டிசுரம் ஏத்தி எழு வார்கள், வினை ஏதும் இல ஆய்,நறவ விரையாலும் மொழியாலும் வழி பாடு மறவாத அவரே.

உரை

உரை எழுதப்படவில்லை

8

நேசமிகு தோள்வலவ னாகியிறை வன்மலையை நீக்கியிடலும்நீசன்விறல் வாட்டிவரை யுற்றதுண ராதநிரம் பாமதியினான்ஈசனுறை பட்டிசர மேத்தியெழு வார்கள்வினை யேதுமிலவாய்நாசமற வேண்டுதலின் நண்ணலெளி தாம்அமரர் விண்ணுலகமே.

சொற்பிரிப்பு

நேசம் மிகு தோள் வலவன் ஆகி, இறை வன் மலையை நீக்கியிடலும்,நீசன் விறல் வாட்டி, வரை உற்றது உண ராத, நிரம்பா மதியினான்,ஈசன் உறை பட்டிசுரம் ஏத்தி எழு வார்கள் வினை ஏதும் இல ஆய்நாசம் அற வேண்டுதலின், நண்ணல் எளிது ஆம், அமரர் விண்ணுலகமே.

உரை

உரை எழுதப்படவில்லை

9

தூயமல ரானும்நெடி யானும்அறி யாரவன தோற்றநிலையின்ஏயவகை யானதனை யாரதறி வாரணிகொள் மார்பினகலம்பாயநல நீறதணி வானுமைத னோடுமுறை பட்டிசரமேமேயவன தீரடியு மேத்தஎளி தாகுநல மேலுலகமே.

சொற்பிரிப்பு

தூய மலரானும் நெடியானும் அறி யார், அவன் தோற்றம்;நிலையின்ஏய வகையான் அதனை யார் அது அறி வார்? அணி கொள் மார்பின் அகலம்பாய நல நீறு அது அணிவான், உமைத னோடும் உறை பட்டிசுரமேமேயவனது ஈர் அடியும் ஏத்த, எளிது ஆகும், நல மேல் உலகமே.

உரை

உரை எழுதப்படவில்லை

10

தடுக்கினையி டுக்கிமட வார்களிடு பிண்டமது வுண்டுழல்தருங்கடுப்பொடியு டற்கயவர் கத்துமொழி காதல்செய்தி டாதுகமழ்சேர்மடைக்கயல்வ யல்கொள்மழ பாடிநகர் நீடுபழை யாறையதனுள்படைக்கொரு கரத்தன்மிகு பட்டிசர மேத்தவினை பற்றறுதலே.

சொற்பிரிப்பு

தடுக்கினை இடுக்கி மடவார்கள் இடு பிண்டம் அது உண்டு உழல்தரும்கடுப்பொடி, உடல் கவசர், கத்து மொழி காதல் செய்திடாது, கமழ் சேர்மடைக் கயல் வயல் கொள் மழபாடி நகர் நீடு பழையாறை அதனுள்படைக்கு ஒரு கரத்தன் மிகு பட்டிசுரம் ஏத்த, வினை பற்று அறுதலே.

உரை

உரை எழுதப்படவில்லை

11

மந்தமலி சோலைமழ பாடிநகர் நீடுபழை யாறையதனுள்பந்தமுயர் வீடுநல பட்டிசர மேயபடர் புன்சடையனைஅந்தண்மறை யோரினிது வாழ்புகலி ஞானசம் பந்தன்அணியார்செந்தமிழ்கள் கொண்டினிது செப்பவல தொண்டர்வினை நிற்பதிலவே.

சொற்பிரிப்பு

மந்தம் மலி சோலை மழபாடி நகர் நீடு பழையாறை அதனுள்பந்தம் உயர் வீடு நல பட்டிசுரம் மேய படர் புன்சடையனை,அம் தண் மறையோர் இனிது வாழ் புகலி ஞானசம்பந்தன் அணி ஆர்செந்தமிழ்கள்கொண்டு இனிது செப்ப வல தொண்டர்வினைநிற்பதுஇலவே.

உரை

உரை எழுதப்படவில்லை

திருச்சிற்றம்பலம்