திருச்சிற்றம்பலம்

திருமழபாடி

அருளியவர்: திருஞானசம்பந்தர்
பண்: கௌசிகம்
தலம்: மழபாடி
நாடு: சோழநாடு காவிரி வடகரை

1

அங்கை யாரழ லன்னழ கார்சடைக்கங்கை யான்கட வுள்ளிட மேவியமங்கை யானுறை யும்மழ பாடியைத்தங்கை யாற்றொழு வார்தக வாளரே.

சொற்பிரிப்பு

அங்கை ஆர் அழலன்(ன்), அழகு ஆர் சடைக்கங்கையான், கடவுள்(ள்), இடம் மேவியமங்கையான், உறையும் மழபாடியைத்தம் கையால்—தொழுவார் தகவாளரே.

உரை

உரை எழுதப்படவில்லை

2

விதியு மாம்விளை வாமொளி யார்ந்ததோர்கதியு மாங்கசி வாம்வசி யாற்றமாமதியு மாம்வலி யாம்மழ பாடியுள்நதியந் தோய்சடை நாதன்நற் பாதமே.

சொற்பிரிப்பு

விதியும் ஆம்; விளைவு ஆம்; ஒளி ஆர்ந்தது ஓர்கதியும் ஆம்; கசிவு ஆம்; வசி ஆற்றம் ஆம்;மதியும் ஆம்; வலி ஆம் மழபாடிநதியம் தோய் சடை நாதன் நல் பாதமே.

உரை

உரை எழுதப்படவில்லை

3

முழவி னான்முது காடுறை பேய்க்கணக்குழுவி னான்குல வுங்கையி லேந்தியமழுவி னானுறை யும்மழ பாடியைத்தொழுமின் நுந்துய ரானவை தீரவே.

சொற்பிரிப்பு

முழவினான், முதுகாடு உறை பேய்க்கணக்-குழுவினான், குலவும் கையில் ஏந்தியமழுவினான், உறையும் மழபாடியைத்தொழுமின், நும் துயர் ஆனவை தீரவே!

உரை

உரை எழுதப்படவில்லை

4

கலையி னான்மறை யான்கதி யாகியமலையி னான்மரு வார்புர மூன்றெய்தசிலையி னான்சேர் திருமழ பாடியைத்தலையி னால்வணங் கத்தவ மாகுமே.

சொற்பிரிப்பு

கலையினான், மறை யான், கதி ஆகியமலையினான், மருவார் புரம் மூன்று எய்தசிலையினான், சேர் திரு மழபாடியைத்தலையினால் வணங்க, தவம் ஆகுமே.

உரை

உரை எழுதப்படவில்லை

5

நல்வி னைப்பயன் நான்மறை யின்பொருள்கல்வி யாயக ருத்தன் உருத்திரன்செல்வன் மேய திருமழ பாடியைப்புல்கி யேத்தும் அதுபுக ழாகுமே.

சொற்பிரிப்பு

நல்வினைப் பயன், நால் மறையின் பொருகல்வி ஆய கருத்தன், உருத்திரன்,செல்வன், மேய திரு மழபாடியைப்புல்கி ஏத்துமது புகழ் ஆகுமே.

உரை

உரை எழுதப்படவில்லை

6

நீடி னாருல குக்குயி ராய்நின்றான்ஆடி னானெரி கானிடை மாநடம்பாடி னாரிசை மாமழ பாடியைநாடி னார்க்கில்லை நல்குர வானவே.

சொற்பிரிப்பு

நீடினார் உலகுக்கு உயிர் ஆய் நின்றான்;ஆடினான், எரிகான் இடை மாநடம்;பாடினார் இசை மா மழபாடியைநாடினார்க்கு இல்லை, நல்குரவு ஆனவே.

உரை

உரை எழுதப்படவில்லை

7

மின்னி னாரிடை யாளொரு பாகமாய்மன்னி னானுறை மாமழ பாடியைப்பன்னி னாரிசை யால்வழி பாடுசெய்துன்னி னார்வினை யாயின வோயுமே.

சொற்பிரிப்பு

மின்னின் ஆர் இடை யாள் ஒரு பாகம் ஆய்மன்னினான் உறை மா மழபாடியைப்பன்னினார், இசையால் வழிபாடு செய்துஉன்னினார், வினை ஆயின ஓயுமே.

உரை

உரை எழுதப்படவில்லை

8

தென்னி லங்கையர் மன்னன் செழுவரைதன்னி லங்க அடர்த்தருள் செய்தவன்மன்னி லங்கிய மாமழ பாடியைஉன்னி லங்க வுறுபிணி யில்லையே.

சொற்பிரிப்பு

தென் இலங்கையர் மன்னன் செழு வரை-தன்னில் அங்க அடர்த்து அருள் செய்தவன்மன் இலங்கிய மா மழபாடியைஉன்னில், அங்க உறுபிணி இல்லையே.

உரை

உரை எழுதப்படவில்லை

9

திருவின் நாயக னுஞ்செழுந் தாமரைமருவி னானுந் தொழத்தழல் மாண்பமர்உருவி னானுறை யும்மழ பாடியைப்பரவி னார்வினைப் பற்றறுப் பார்களே.

சொற்பிரிப்பு

திருவின் நாயகனும், செழுந்தாமரைமருவினானும், தொழ, தழல் மாண்பு அமர்உருவினான் உறையும் மழபாடியைப்பரவினார் வினைப் பற்று அறுப்பார்களே

உரை

உரை எழுதப்படவில்லை

10

நலியும் நன்றறி யாச்சமண் சாக்கியர்வலிய சொல்லினும் மாமழ பாடியுள்ஒலிசெய் வார்கழ லான்திறம் உள்கவேமெலியும் நம்முடன் மேல்வினை யானவே.

சொற்பிரிப்பு

நலியும், நன்று அறியா, சமண்சாக்கியர்வலிய சொல்லினும், மா மழபாடியுள்ஒலிசெய் வார்கழலான் திறம் உள்கவே,மெலியும், நம் உடல் மேல் வினை ஆனவே.

உரை

உரை எழுதப்படவில்லை

11

மந்தம் உந்து பொழில்மழ பாடியுள்எந்தை சந்தம் இனிதுகந் தேத்துவான்கந்த மார்கடற் காழியுள் ஞானசம்பந்தன் மாலைவல் லார்க்கில்லை பாவமே.

சொற்பிரிப்பு

மந்தம் உந்து பொழில் மழபாடிஎந்தை சந்தம் இனிது உகந்து ஏத்துவான்,கந்தம் ஆர் கடல் காழி யுள் ஞானசம்-பந்தன் மாலை வல்லார்க்கு இல்லை, பாவமே.

உரை

உரை எழுதப்படவில்லை

திருச்சிற்றம்பலம்