திருக்கடிக்குளம்

கடிக்குளத்தில் எழுந்தருளிய கற்பகத்தைத் தலைசாய்த்துத் திருவடியை வணங்கும் அடியார்களை வினைகள் சூழமாட்டா. கற்பகம் - இத்தலத்தில் இறைவன் திருநாமம்.

விண்ணோர் தொழும் விளக்கு. துளக்கு - தளர்ச்சி. விகிர்தன்- முரணுறு      செயலினன். திருவிழாக்கள் நிறைந்த மண்ணுலகில் வாழ்வோர் அன்பராகிப் பேரின்பம் பெற ஈந்தருளும் வள்ளல். அவ்வள்ளலைச் சேர்ந்து கண்ணாரக் கண்டு பண்ணாரப் பாடிப் பணிவார் கேடும் பழியும் இலராவர். புகழ் உளராவர். தரிசனமும் கீதமும் திருந்தவும் முற்றவும் செய்தால் எய்தும் பயன்கள் உணர்த்தப்பட்டன.

கடிக்குளத்து எழுந்தருளும் கற்பகத்தை எவ்விடத்தும் வழிபட்டு இன்பத்தை அடையும் அடியார்களை இடும்பைகள் வந்து அடையமாட்டா.

திருக்கடிக்குளத்தில் எழுந்தருளும் கற்பகத்தின் செல்வங்களைப் புகழ வல்லவருடைய வினைகள் தேய்ந்தொழிவது உறுதி. செல்வங்கள்- அவளால் வந்த ஆக்கம் இவ்வாழ்க்கையெல்லாம் (சித்தியார் 89).

அரும்புகள் தாது அவிழ்ந்து விரிந்த பல மலர்களைக் கொண்டு அடியவர்கள் வழிபடக் கடிக்குளத்து எழுந்தருளும் கற்பகம். கரும்புகளும் மேக மண்டலத்தை அளாவிய கொடிகளும் பின்னிய கடிக்குளம். மனமகிழ்ந்து தோத்திரம் சொல்லும் அடியவர்கள் செல்வமுடையவராவார்கள். விதி-செல்வம்.

கற்பகத்தின் திருவடியைக் கைகூப்பித் தொழவல்லவர் வினைகள் முழுதும் கெட்டொழியும்.

பூவைசேரும் கூந்தற்கலவையென்பது வாமபாகத்தைக் குறித்தது. கற்பகத்தை ஏத்துவார்பால் வினைகள் நிற்கமாட்டா.

மடுத்த- (பகைவர் உடம்பின்) உட்புகுத்திய. இரு- முரிய. அருட்கூத்தன்- ஞானநாடகமாடும்பிரான். குணம் - எண்குணம்.

கடல் துயின்றவன் - பாற்கடலில் யோக நித்திரை செய்யும் திருமால். விசும்பு - ஆகாயம். படி -உருவம். கற்பகத்தின் கழல் ஏத்தவல்லவர்களுக்கு வினை இல்லை.

குறி- குறிக்கோள். தொண்டர் தொண்டர்- தொண்டர்க்குத் தொண்டர். தூநெறி-திருநெறி,சிவநெறி.

செல்வமும் மிக்க புகழும். மாலது- அன்பு. கனம்- மேகம். இனம்- அடியார் கூட்டம்.