1
கருத்தன் கடவுள் கனலேந் தியாடும்நிருத்தன் சடைமேல் நிரம்பா மதியன்திருத்த முடையார் திருப்பறி யலூரில்விருத்தன் எனத்தகும் வீரட்டத் தானே.
சொற்பிரிப்பு
கருத்தன், கடவுள், கனல் ஏந்தி ஆடும்நிருத்தன், சடைமேல் நிரம்பா மதியன்-திருத்தம் உடையார் திருப் பறியலூரில்,விருத்தன் எனத் தகும் வீரட்டத்தானே.
உரை
திருந்திய மனத்தை உடைய சான்றோர்கள் வாழும் திருப்பறியலூரில் தொன்மையானவனாக விளங்கும் வீரட்டானத்து இறைவன் சிவபெருமான் - ஆவான். இப்பெருமான் எல்லா உயிர்களுக்குத் தலைவனாகவும் கடவுளாகவும் இருப்பவன். கையில் கனல் ஏந்தி நடனம் ஆடுபவன். சடைமுடிமீது இளம்பிறையை அணிந்திருப்பவன்.