1
ஏரிசையும் வடவாலின் கீழிருந்தங் கீரிருவர்க் கிரங்கிநின்றுநேரியநான் மறைப்பொருளை யுரைத்தொளிசேர் நெறியளித்தோன் நின்றகோயில்பாரிசையும் பண்டிதர்கள் பன்னாளும் பயின்றோது மோசைகேட்டுவேரிமலி பொழிற்கிள்ளை வேதங்கள் பொருள்சொல்லும் மிழலையாமே.
சொற்பிரிப்பு
ஏர் இசையும் வட ஆலின்கீழ் இருந்து, அங்கு ஈர் இருவர்க்கு இரங்கி நின்று,நேரிய நால்மறைப்பொருளை உரைத்து, ஒளி சேர் நெறிஅளித்தோன் நின்றகோயில்பார் இசையும் பண்டிதர்கள் பல்-நாளும் பயின்று ஓதும் ஓசை கேட்டு,வேரி மலி பொழில், கிள்ளை வேதங்கள் பொருள் சொல்லும் மிழலை ஆமே.
உரை
அழகிய கல்லால மரத்தின்கீழ் இருந்து, சனகாதி முனிவர்கள் நால்வர்க்கும் கருணையோடு, நான்கு வேதங்களின் உண்மைப் பொருளை உரைத்தும், ஒளிசேரும் மெய்ந்நெறியையும் அருளியவர் சிவபெருமான் ஆவார். இப்பெருமான் எழுந்தருளி இருக்கும் கோயில் திருவீழிமிழலை ஆகும். நிலவுலகில் வாழும் வேதப் பண்டிதர்கள் பலநாட்களாகத் தொடர்ந்து வேதத்தை ஓதும் ஓசையை நன்கு கேட்டுத், தேன்நிறைந்த பொழில்களில் வாழும் கிளிகளும், அவற்றின் பொருளைச் சொல்லுகின்ற சிறப்பினை உடையது திருவீழிமிழலை ஆகும்.