1
தோடுடை யானொரு காதில் தூய குழைதாழஏடுடை யான்த லைகல னாக இரந்துண்ணும்நாடு டையான் நள்ளிருள் ஏம நடமாடும்காடு டையான் காதல்செய் கோயில் கழுக்குன்றே.
சொற்பிரிப்பு
தோடு உடையான் ஒரு காதில் தூய குழை தாழஏடு உடையான், தலை கலன் ஆக இரந்து உண்ணும்நாடு உடையான், நள் இருள் ஏமம் நடம் ஆடும்காடு உடையான், காதல் செய் கோயில் கழுக்குன்றே.
உரை
ஒரு காதில் தோடும் மற்றொரு காதில் தூய குழையும் தாழ்ந்து தொங்கப் பெற்றவன். தாமரை மலரில் தங்கும் பிரமனின் தலையோட்டை உண்கலனாகக் கொண்டிருப்பவன். இரந்து உண்ணும் நாடுகளை உடையவன். நள்ளிருள் யாமத்தில் சுடுகாட்டில் நடனம் ஆடுபவன். இத்தகைய இறைவனான சிவபெருமான் விரும்பி உறையும் இடம் திருக்கழுக்குன்றம் ஆகும்.