திருச்சிற்றம்பலம்

ஐயடிகள் காடவர்கோன் நாயனார் புராணம்

அருளியவர்: சேக்கிழார்

1

வைய நிகழ் பல்லவர் தம் குலமரபின் வழித்தோன்றிவெய்ய கலியும் பகையும் மிகை ஒழியும் வகை அடக்கிச்செய்ய சடையார் சைவத் திரு நெறியால் அரசு அளிப்பார்ஐயடிகள் நீதியால் அடிப்படுத்தும் செங்கோலார்.

சொற்பிரிப்பு

வையம் நிகழ் பல்லவர் தம் குல மரபின் வழித் தோன்றிவெய்ய கலியும் பகையும் மிகை ஒழியும் வகை அடக்கிக்செய்ய சடையார் சைவத் திரு நெறியால் அரசு அளிப்பார்ஐயடிகள் நீதியால் அடிப்படுத்தும் செங்கோலார்.

உரை

உரை எழுதப்படவில்லை

2

திருமலியும் புகழ் விளங்கச் சேணிலத்தில் எவ்வுயிரும்பெருமையுடன் இனிது அமரப் பிற புலங்கள் அடிப்படுத்துப்தருமநெறி தழைத்து ஓங்கத் தாரணிமேல் சைவமுடன்அருமறையின் துறை விளங்க அரசு அளிக்கும் அந்நாளில்.

சொற்பிரிப்பு

திருமலியும் புகழ் விளங்கச் சேணிலத்தில் எவ்உயிரும்பெருமையுடன் இனிது அமரப் பிற புலங்கள் அடிப்படுத்துத்தரும நெறி தழைத்து ஓங்கத் தாரணி மேல் சைவமுடன்அருமறையின் துறை விளங்க அரசு அளிக்கும் அந்நாளில்.

உரை

உரை எழுதப்படவில்லை

3

மன்னவரும் பணி செய்ய வடநூல் தென்தமிழ் முதலாம்பன்னு கலைப் பணிசெய்யப் பார் அளிப்பார் அரசாட்சிஇன்னல் என இகழ்ந்து அதனை எழில் குமரன் மேல் இழிச்சிநன்மை நெறித் திருத்தொண்டு நயந்து அளிப்பார் ஆயினார்.

சொற்பிரிப்பு

மன்னவரும் பணிசெய்ய, வடநூல் தென்தமிழ் முதலாம்பன்னு கலை பணி செய்யப், பார் அளிப்பார் “அரசாட்சிஇன்னல்” என இகழ்ந்து அதனை எழில் குமரன் மேல் இழிச்சிநன்மை நெறித் திருத்தொணடு நயந்து அளிப்பார் ஆயினார்.

உரை

உரை எழுதப்படவில்லை

4

தொண்டுரிமை புரக்கின்றார் சூழ்வேலை உலகின் கண்அண்டர் பிரான் அமர்ந்து அருளும் ஆலயங்களான எலாம்கண்டிறைஞ்சித் திருத்தொண்டின் கடன் ஏற்ற பணி செய்தவண் தமிழின் மொழி வெண்பா ஓரொன்றா வழுத்துவார்.

சொற்பிரிப்பு

தொண்டு உரிமை புரக்கின்றார் சூழ்வேலை உலகின்கண்அண்டர் பிரான் அமர்ந்து அருளும் ஆலயங்கள் ஆனஎலாம்கண்டு இறைஞ்சித் திருத்தொண்டின் கடன் ஏற்ற பணிசெய்தேவண்டமிழின் மொழி வெண்பா ஓர் ஒன்றா வழுத்துவார்.

உரை

உரை எழுதப்படவில்லை

5

பெருத்தெழு காதலில் வணங்கிப் பெரும்பற்றத் தண்புலியூர்த்திருச்சிற்றம் பலத்து ஆடல் புரிந்து அருளும் செய்ய சடைநிருத்தனார் திருக்கூத்து நேர்ந்து இறைஞ்சி நெடுந்தகையார்விருப்பின் உடன் செந்தமிழின் வெண்பா மென் மலர் புனைந்தார்.

சொற்பிரிப்பு

பெருத்து எழு காதலில் வணங்கிப் பெரும்பற்றத் தண் புலியூர்த்திருச்சிற்றம்பலத்து ஆடல் புரிந்தருளும் செய்யசடைநிருத்தனார் திருக்கூத்து நேர்ந்து இறைஞ்சி நெடும்தகையார்விருப்பினுடன் செந்தமிழின் வெண்பா மென்மலர் புனைந்தார்.

உரை

உரை எழுதப்படவில்லை

6

அவ்வகையால் அருள் பெற்று அங்கு அமர்ந்து சில நாள் வைகிஇவ்வுலகில் தம் பெருமான் கோயில்கள் எல்லாம் எய்திச்செவ்விய அன்பொடு பணிந்து திருப்பணி ஏற்றன செய்தேஎவ்வுலகும் புகழ்ந்து ஏத்தும் இன்தமிழ் வெண்பா மொழிந்தார்.

சொற்பிரிப்பு

அவ்வகையால் அருள்பெற்று அங்கு அமர்ந்து சிலநாள் வைகிஇவ்உலகில் தம்பெருமான் கோயில்கள் எல்லாம் எய்திச்செவ்விய அன்பொடு பணிந்து திருப்பணி ஏற்றன செய்தேஎவ்உலகும் புகழ்ந்து ஏத்தும் இன்தமிழ் வெண்பா மொழிந்தார்.

உரை

உரை எழுதப்படவில்லை

7

இந்நெறியால் அரன் அடியார் இன்பமுற இசைந்த பணிபன்னெடு நாள் ஆற்றியபின் பரமர் திருவடி நிழல் கீழ்மன்னு சிவலோகத்து வழி அன்பர் மருங்கு அணைந்தார்கன்னிமதில் சூழ் காஞ்சிக் காடவரை யடிகளார்.

சொற்பிரிப்பு

இந்நெறியால் அரன் அடியார் இன்பம் உற இசைந்த பணிபன்நெடுநாள் ஆற்றிய பின் பரமர் திரு அடி நிழல்கீழ்மன்னு சிவ லோகத்து வழி அன்பர் மருங்கு அணைந்தார்கன்னிமதில் சூழ் காஞ்சிக் காடவர் ஐயடிகளார்.

உரை

உரை எழுதப்படவில்லை

8

பையரவ மணியாரம் அணிந்தார்க்குப் பாவணிந்தஐயடிகள் காடவனார் அடி இணைத்தாமரை வணங்கிக்கையணிமான் மழு உடையார் கழல் பணி சிந்தனை உடையசெய்தவத்துக் கணம் புல்லர் திருத்தொண்டு விரித்து உரைப்பாம்.

சொற்பிரிப்பு

பை அரவம் மணிஆரம் அணிந்தார்க்குப் பா அணிந்தஐயடிகள் காடவனார் அடி இணைத் தாமரை வணங்கிக்கைஅணி மான்மழு உடையார் கழல் பணி சிந்தனை உடையசெய்தவத்துக் கணம்புல்லர் திருத்தொண்டு விரித்து உரைப்பாம்.

உரை

உரை எழுதப்படவில்லை

9

உளத்தில் ஒரு துளக்கம் இலோம் உலகு உய்ய இருண்ட திருக்களத்தர் முது குன்றர் தரு கனகம் ஆற்றினில் இட்டுவளத்தின் மலிந்தேழ் உலகும் வணங்கு பெரும் திருவாரூர்க்குளத்தில் எடுத்தார் வினையின் குழிவாய் நின்று எனை எடுத்தார்.

சொற்பிரிப்பு

உளத்தில் ஒரு துளக்கம் இலோம், உலகு உய்ய இருண்ட திருக்களத்து முதுகுன்றர் தரு கனகம் ஆற்றினில் இட்டு,வளத்தின் மலிந்து ஏழ் உலகும் வணங்கு பெரும் திருஆரூர்க்குளத்தில் எடுத்தார், வினையின் குழிவாய் நின்று எமை எடுத்தார்.

உரை

உரை எழுதப்படவில்லை

திருச்சிற்றம்பலம்