திருச்சிற்றம்பலம்

திருமூல நாயனார் புராணம்

அருளியவர்: சேக்கிழார்

1

அந்தி இளம் பிறைக் கண்ணி அண்ணலார் கயிலையினில்முந்தை நிகழ் கோயிலுக்கு முதற்பெரு நாயகம் ஆகிஇந்திரன் மால் அயன் முதலாம் இமயவர்க்கு நெறி அருளும்நந்தி திருவருள் பெற்ற நான் மறை யோகிகள் ஒருவர்.

சொற்பிரிப்பு

அந்தி இளம் பிறைக்கண்ணி அண்ணலார் கயிலையினில்முந்தை நிகழ் கோயிலுக்கு முதல் பெருநாயகம் ஆகிஇந்திரன், மால், அயன் முதலாம் இமையவர்க்கு நெறி அருளும்நந்தி திருவருள் பெற்ற நான்மறை யோகிகள் ஒருவர்.

உரை

உரை எழுதப்படவில்லை

2

மற்றவர் தாம் அணிமாதி வருஞ்சித்தி பெற்று உடையார்கொற்றவனார் திருக் கயிலை மலை நின்றும் குறுமுனிபால்உற்றது ஒரு கேண்மையினால் உடன் சில நாள் உறைவதற்குநற்றமிழின் பொதிய மலை நண்ணுதற்கு வழிக்கொண்டார்.

சொற்பிரிப்பு

மற்றவர் தாம் அணிமா ஆதி வரும் சித்தி பெற்றுடையார்கொற்றவனார் திருக்கயிலை மலை நின்றும் குறுமுனிபால்உற்றது ஒரு கேண்மையினால் உடன் சிலநாள் உறைவதற்குநற்றமிழின் பொதியமலை நண்ணுதற்கு வழிக் கொண்டார்.

உரை

உரை எழுதப்படவில்லை

3

மன்னு திருக் கேதாரம் வழிபட்டு மாமுனிவர்பன்னு புகழ்ப் பசுபதி நேபாளத்தைப் பணிந்து ஏத்தித்துன்னு சடைச் சங்கரனார் ஏற்ற தூ நீர்க் கங்கைஅன்ன மலி அகன் துறை நீர் அருங்கரையின் மருங்கு அணைந்தார்.

சொற்பிரிப்பு

மன்னு திருக்கேதாரம் வழிபட்டு மாமுனிவர்பன்னு புகழ்ப் பசுபதி நேபாளத்தைப் பணிந்து ஏத்தித்துன்னு சடைச் சங்கரனார் ஏற்ற தூநீர்க் கங்கைஅன்னமலி அகன்துறை நீர் அருங்கரையின் மருங்கு அணைந்தார்.

உரை

உரை எழுதப்படவில்லை

4

கங்கை நீர்த் துறை ஆடிக் கருத்துறை நீள் கடல் ஏற்றும்அங்கணர் தாம் மகிழ்ந்து அருளும் அவிமுத்தம் பணிந்து ஏத்திமங்குல் வளர் வரைவிந்த மன்னு பருப்பதம் இறைஞ்சித்திங்கள் அணி சடையர் திருக்காளத்தி மலை சேர்ந்தார்.

சொற்பிரிப்பு

கங்கை நீர்த் துறை ஆடிக் கருத்துறை நீள் கடல் ஏற்றும்அங்கணர் தாம் மகிழ்ந்து அருளும் அவிமுத்தம் பணிந்து ஏத்திமங்குல் வளர் வரைவிந்தம் மன்னு பருப்பதம் இறைஞ்சித்திங்கள் அணி சடையர் திருக்காளத்தி மலை சேர்ந்தார்.

உரை

உரை எழுதப்படவில்லை

5

நீடு திருக்காளத்தி நிலவு தாணுவை வணங்கிஆடு திரு அரங்கான ஆலவனம் தொழுது ஏத்தித்தேடும் இருவர்க்கு அரியார் திரு ஏகாம்பரம் பணிந்துமாடுயர் மாமதில் காஞ்சி வள நகரின் வைகினார்.

சொற்பிரிப்பு

நீடு திருக்காளத்தி நிலவு தாணுவை வணங்கிஆடு திரு அரங்கு ஆன ஆலவனம் தொழுது ஏத்தித்தேடும் இருவர்க்கு அரியார் திரு ஏகாம்பரம் பணிந்துமாடு உயர் மாமதில் காஞ்சி வள நகரின் வைகினார்.

உரை

உரை எழுதப்படவில்லை

6

நற்பதி அங்கு அமர் யோக முனிவர்களை நயந்து போய்க்கற்புரிசைத் திருவதிகை கலந்து இறைஞ்சிக் கறை கண்டர்அற்புதக் கூத்து ஆடுகின்ற அம்பலம் சூழ் திருவீதிப்பொற்பதியாம் பெரும்பற்ற புலியூரில் வந்து அணைந்தார்.

சொற்பிரிப்பு

நற்பதி அங்கு அமர் யோக முனிவர்களை நயந்துபோய்க்கற்புரிசைத் திருஅதிகை கலந்து இறைஞ்சிக் கறைக்கண்டர்அற்புதக் கூத்து ஆடுகின்ற அம்பலம் சூழ் திருவீதிப்பொற்பதியாம் பெரும்பற்றப் புலியூரில் வந்து அணைந்தார்.

உரை

உரை எழுதப்படவில்லை

7

எவ்வுலகும் உய்ய எடுத்து அருளிய சேவடியாரைச்செவ்விய அன்புற வணங்கிச் சிந்தை களிவரத் திளைத்துவவ்விய மெய் உணர்வின் கண் வரும் ஆனந்தக் கூத்தைஅவ்வியல்பில் கும்பிட்டு அங்கு ஆராமை அமர்ந்திருந்தார்.

சொற்பிரிப்பு

எவ்உலகும் உய்ய எடுத்து அருளிய சேவடியாரைச்செவ்விய அன்புற வணங்கிச் சிந்தை களி வரத் திளைத்துவவ்விய மெய் உணர்வின்கண் வரும் ஆனந்தக் கூத்தைஅவ்இயல்பில் கும்பிட்டு அங்கு ஆராமை அமர்ந்து இருந்தார்.

உரை

உரை எழுதப்படவில்லை

8

தட நிலை மாளிகைப் புலியூர் தன்னில் உறைந்து இறைஞ்சிப் போய்அடல் விடையின் மேல் வருவார் அமுது செய அஞ்சாதேவிடம் அளித்தது எனக் கருதி மேதினிக்கு வளம் நிறைத்தேகடல் வயிறு நிறையாத காவிரியின் கரை அணைந்தார்.

சொற்பிரிப்பு

தடநிலை மாளிகைப் புலியூர் தன்னில் உறைந்து இறைஞ்சிப் போய்அடல் விடையின் மேல் வருவார் அமுது செய அஞ்சாதேவிடம் அளித்தது எனக் கருதி மேதினிக்கு வளம் நிறைத்தேகடல் வயிறு நிறையாத காவிரியின் கரை அணைந்தார்.

உரை

உரை எழுதப்படவில்லை

9

காவிரி நீர்ப் பெரும் தீர்த்தம் கலந்து ஆடிக் கடந்து ஏறிஆவின் அரும் கன்று உறையும் ஆவடு தண் துறை அணைந்துசேவில் வரும் பசுபதியார் செழும் கோயில் வலம் வந்துமேவு பெரும் காதலினால் பணிந்து அங்கு விருப்பு உறுவார்.

சொற்பிரிப்பு

காவிரி நீர்ப் பெருந்தீர்த்தம் கலந்து ஆடிக், கடந்து ஏறிஆவின் அருங்கன்று உறையும் ஆவடு தண் துறை அணைந்துசேவில் வரும் பசுபதியார் செழுங் கோயில் வலம் வந்துமேவு பெரும் காதலினால் பணிந்து அங்கு விருப்பு உறுவார்.

உரை

உரை எழுதப்படவில்லை

10

அந்நிலைமைத் தானத்தை அகலாததொருகருத்துமுன்னி எழும் குறிப்பினால் மூளும் ஆதரவு எய்தப்பின்னும் அகன்று ஏகுவார் பேண வரும் கோக்குலங்கள்பொன்னி நதிக் கரைப் புறவில் புலம்புவன எதிர் கண்டார்.

சொற்பிரிப்பு

அந்நிலைமைத் தானத்தை அகலாதது ஒரு கருத்துமுன்னி எழும் குறிப்பினால் மூளும் ஆதரவு எய்தப்,பின்னும் அகன்று ஏகுவார் பேணவரும் கோக்குலங்கள்பொன்னி நதிக் கரைப்புறவில் புலம்புவன எதிர்கண்டார்.

உரை

உரை எழுதப்படவில்லை

11

அந்தணர்தம் சாத்தனூர் ஆமேய்ப்பார் குடித் தோன்றிமுந்தை முறை நிரை மேய்ப்பான் மூலன் எனும் பெயருடையான்வந்து தனி மேய்க்கின்றான் வினைமாள வாழ்நாளைவெந்தொழில் வன் கூற்று உண்ண வீடி நிலத்திடை வீழ்ந்தான்.

சொற்பிரிப்பு

அந்தணர் தம் சாத்தனூர் ஆ மேய்ப்பார் குடித் தோன்றிமுந்தை முறை நிரை மேய்ப்பான் மூலன் எனும் பெயர் உடையான்வந்து தனி மேய்க்கின்றான் வினை மாள, வாழ்நாளைவெந்தொழில் வல் விடம் உண்ண வீடி நிலத்திடை வீழ்ந்தான்.

உரை

உரை எழுதப்படவில்லை

12

மற்றவன் தன் உடம்பினை அக்கோக் குலங்கள் வந்து அணைந்துசுற்றி மிகக் கதறுவன சுழல்வன மோப்பனவாகநல் தவ யோகியார் காணா நம்பர் அருளாலே ஆஉற்றதுயர் இவை நீங்க ஒழிப்பன் என உணர்கின்றார்.

சொற்பிரிப்பு

மற்றவன் தன் உடம்பினை அக் கோக் குலங்கள் வந்து அணைந்துசுற்றி மிகக் கதறுவன சுழல்வன, மோப்பன ஆகநற்றவ யோகியர் காணா நம்பர் அருளாலே ஆஉற்ற துயர் இவை நீங்க ஒழிப்பன் என உணர்கின்றார்.

உரை

உரை எழுதப்படவில்லை

13

இவன் உயிர் பெற்று எழில் அன்றி ஆக்கள் இடர் நீங்கா என்றுஅவன் உடலில் தம் உயிரை அடை விக்க அருள் புரியும்தவ முனிவர் தம் உடம்புக்கு அரண் செய்து தாம் முயன்றபவன வழி அவன் உடலில் தம் உயிரைப் பாய்த்தினார்.

சொற்பிரிப்பு

இவன் உயிர்பெற்று எழில் அன்றி ஆக்கள் இடர் நீங்கா என்றுஅவன் உடலில் தம் உயிரை அடைவிக்க அருள்புரியும்தவ முனிவர் தம் உடம்புக்கு அரண் செய்து தாம் முயன்றபவன வழி அவன் உடலில் தம் உயிரைப் பாய்த்தினார்.

உரை

உரை எழுதப்படவில்லை

14

பாய்த்திய பின் திரு மூலராய் எழலும் பசுக்கள் எலாம்நாத் தழும்ப நக்கி மோந்து அணைந்து கனைப் பொடு நயந்துவாய்த்து எழுந்த களிப்பினால் வால் எடுத்துத் துள்ளிப்பின்நீத்த துயரினவாகி நிரைந்து போய் மேய்ந்தனவால்.

சொற்பிரிப்பு

பாய்த்திய பின் திருமூலராய் எழலும், பசுக்கள் எலாம்நாத்தழும்ப நக்கி, மோந்து அணைந்து, கனைப்பொடு நயந்து,வாய்த்து எழுந்த களிப்பினால் வால் எடுத்துத் துள்ளிப், பின்நீத்த துயரின ஆகி நிரந்து போய் மேய்ந்தனவால்.

உரை

உரை எழுதப்படவில்லை

15

ஆவின் நிரை மகிழ்வுறக் கண்டு அளிகூர்ந்த அருளினராய்மேவியவை மேய்விடத்துப் பின் சென்று மேய்ந்தவை தாம்காவிரி முன் துறைத் தண்ணீர் கலந்து உண்டு கரை ஏறப்பூவிரி தண் புறவின் நிழல் இனிதாகப் புறங்காத்தார்.

சொற்பிரிப்பு

ஆவின் நிரை மகிழ்வுறக் கண்டு அளிகூர்ந்த அருளினராய்மேவி அவை மேய் இடத்துப் பின் சென்று மேய்ந்தவை தாம்காவிரி முன் துறைத் தண்ணீர் கலந்து உண்டு கரை ஏறப்பூவிரி தண் புறவின் நிழல் இனிது ஆகப் புறம் காத்தார்.

உரை

உரை எழுதப்படவில்லை

16

வெய்ய சுடர்க் கதிரவனும் மேல் பாலை மலை அணையச்சைவ நெறி மெய் உணந்தோர் ஆன் இனங்கள் தாமே முன்பைய நடப்பன கன்றை நினைந்து படர் வன வாகிவைய நிகழ் சாத்தனூர் வந்து எய்தப் பின் போனார்.

சொற்பிரிப்பு

வெய்ய சுடர்க் கதிரவனும் மேல் பாலை மலை அணையச்சைவநெறி மெய் உணர்ந்தோர் ஆன் இனங்கள் தாமே முன்பைய நடப்பன, கன்றை நினைந்து படர் வன ஆகிவைய நிகழ் சாத்தனூர் வந்து எய்தப் பின் போனார்.

உரை

உரை எழுதப்படவில்லை

17

போனவர் தாம் பசுக்கள் எல்லாம் மனை தோறும் புகநின்றார்மானம் உடை மனையாளும் வைகிய பின் தாழ்த்தார் என்றுஆன பயத்துடன் சென்றே அவர் நின்ற வழிக் கண்டாள்ஈனம் இவர்க்கு அடுத்தது என மெய்தீண்ட அதற்கு இசையார்.

சொற்பிரிப்பு

போனவர் பசுக்கள் எலாம் மனை தோறும் புக நின்றார்மானம் உடை மனையாளும் வைகிய பின் தாழ்த்தார் என்றுஆன பயத்துடன் சென்றே அவர் நின்ற வழிக்கண்டாள்ஈனம் இவர்க்கு அடுத்தது என மெய் தீண்ட அதற்கு இசையார்.

உரை

உரை எழுதப்படவில்லை

18

அங்கு அவளும் மக்களுடன் அரும் சுற்றம் இல்லாதாள்தங்கி வெருவுற மயங்கி என் செய்தீர் எனத்தளரஇங்கு உனக்கு என்னுடன் அணைவொன்று இல்லை என எதிர்மறுத்துப்பொங்கு தவத்தோர் ஆங்கோர் பொது மடத்தின் உட்புக்கார்.

சொற்பிரிப்பு

அங்கு அவளும் மக்களுடன் அருஞ்சுற்றம் இல்லாதாள்தங்கி வெருவு உற மயங்கி என் செய்தீர் எனத் தளரஇங்குனக்கு என்னுடன் அணைவு ஒன்று இல்லை என எதிர் மறுத்துப்பொங்கு தவத்தோர் ஆங்கு ஓர் பொதுமடத்தின் உள் புகுந்தார்.

உரை

உரை எழுதப்படவில்லை

19

இல்லாளன் இயல்பு வேறு ஆனமை கண்டு இரவு எல்லாம்சொல் ஆடாது இருந்தவர் பால் அணையாது துயிலாதாள்பல்லார் முன் பிற்றை நாள் இவர்க்கு அடுத்த பரிசு உரைப்பநல்லார்கள் அவர் திறத்து நாடியே நயந்து உரைப்பார்.

சொற்பிரிப்பு

இல்லாளன் இயல்பு வேறு ஆனமை கண்டு இரவு எல்லாம்சொல்லாடாது இருந்தவர் பால் அணையாது துயிலாதாள்பல்லார் முன் பிற்றை நாள் இவர்க்கு அடுத்த பரிசு உரைக்கநல்லார்கள் அவர் திறத்து நாடியே நயந்து உரைப்பார்.

உரை

உரை எழுதப்படவில்லை

20

பித்து உற்ற மயல் அன்று பிறிது ஒரு சார்பு உளது அன்றுசித்த விகற்பம் களைந்து தெளிந்த சிவ யோகத்தில்வைத்த கருத்தினர் ஆகி வரம்பில் பெருமையில் இருந்தார்இத்தகைமை அளப்பரிதால் யாராலும் என உரைப்பார்.

சொற்பிரிப்பு

பித்துற்ற மயல் அன்று; பிறிது ஒரு சார்பு உளது அன்று;சித்த விகற்பம் களைந்து தெளிந்த சிவயோகத்தில்வைத்த கருத்தினர் ஆகி வரம்பில் பெருமையில் இருந்தார்;இத்தகைமை அளப்பு அரிதால் யாராலும் என உரைப்பார்.

உரை

உரை எழுதப்படவில்லை

21

பற்று அறுத்த உபதேசம் பரமர்பதம் பெற்றார் போல்முற்றும் உணர்ந்தனர் ஆகும் முன்னை நிலைமையில் உங்கள்சுற்ற(ம்) இயல் பினுக்கு எய்தார் என்று உரைப்பத் துயர் எய்திமற்றவளும் மையலுற மருங்குள்ளார் கொண்டு அகன்றார்.

சொற்பிரிப்பு

பற்று அறுத்த உபதேசம் பரமர் பதம் பெற்றார்போல்முற்றும் உணர்ந்தனர் ஆகும் முன்னை நிலைமையில் உங்கள்சுற்ற இயல்பினுக்கு எய்தார் என்று உரைப்பத், துயர் எய்திமற்றவளும் மையல் உற மருங்கு உள்ளார் கொண்டு அகன்றார்.

உரை

உரை எழுதப்படவில்லை

22

இந் நிலைமையில் இருந்தார் எழுந்திருந்து ஆங்கு ஆன் நிரைகள்வந்த நெறியே சென்று வைத்த காப்பினில் உய்த்தமுந்தை உடல் பொறைகாணார் முழுது உணர்ந்த மெய்ஞ்ஞானச்சிந்தையினில் வந்த செயல் ஆராய்ந்து தெளிகின்றார்.

சொற்பிரிப்பு

இந்த நிலைமையில் இருந்தார் எழுந்திருந்து ஆங்கு ஆன் நிரைகள்வந்த நெறியே சென்று வைத்த காப்பினில் உய்த்தமுந்தை உடல் பொறை காணார் முழுது உணர்ந்த மெய்ஞ்ஞானச்சிந்தையினில் வந்தசெயல் ஆராய்ந்து தெளிகின்றார்.

உரை

உரை எழுதப்படவில்லை

23

தண்ணிலவார் சடையார் தாம் தந்த ஆகமப் பொருளைமண்ணின் மிசைத் திருமூலர் வாக்கினால் தமிழ் வகுப்பக்கண்ணிய அத்திரு அருளால் அவ்வுடலைக் கரப்பிக்கஎண் நிறைந்த உணர்வு உடையார் ஈசர் அருள் என உணர்ந்தார்.

சொற்பிரிப்பு

தண் நிலவு ஆர் சடையார் தாம் தந்த ஆகமப் பொருளைமண்ணின்மிசைத் திருமூலர் வாக்கினால் தமிழ் வகுப்பக்கண்ணிய அத் திருவருளால் அவ்உடலைக் கரப்பிக்கஎண்நிறைந்த உணர்வு உடையார் ஈசர் அருள் என உணர்ந்தார்.

உரை

உரை எழுதப்படவில்லை

24

சுற்றிய அக் குலத்துள்ளார் தொடர்ந்தார்க்குத் தொடர்வு இன்மைமுற்றவே மொழிந்து அருள அவர் மீண்டு போனதன் பின்பெற்றம் மீது உயர்த்தவர் தாள் சிந்தித்துப் பெருகு ஆர்வச்செற்றம் முதல் கடிந்தவர்தாம் ஆவடுதண் துறை சேர்ந்தார்.

சொற்பிரிப்பு

சுற்றிய அக்குலத்து உள்ளார் தொடர்ந்தார்க்குத் தொடர்வு இன்மைமுற்றவே மொழிந்தருள அவர் மீண்டு போனதன் பின்பெற்றம் மீது உயர்த்தவர் தாள் சிந்தித்துப், பெருகு ஆர்வச்செற்றம் முதல் கடிந்தவர் தாம் ஆவடு தண் துறை சேர்ந்தார்.

உரை

உரை எழுதப்படவில்லை

25

ஆவடு தண் துறை அணைந்து அங்கு அரும் பொருளை உறவணங்கிமேவுவார் புறக் குடபால் மிக்கு உயர்ந்த அரசின் கீழ்த்தேவிருக்கை அமர்ந்து அருளிச் சிவயோகம் தலை நின்றுபூவலரும் இதயத்துப் பொருளோடும் புணர்ந்து இருந்தார்.

சொற்பிரிப்பு

ஆவடு தண் துறை அணைந்து அங்கு அரும்பொருளை உற வணங்கிமேவுவார் புறக் குடபால் மிக்கு உயர்ந்த அரசின் கீழ்த்தேவிருக்கை அமர்ந்தருளிச் சிவயோகம் தலைநின்றுபூவலரும் இதயத்துப் பொருளோடும் புணர்ந்து இருந்தார்.

உரை

உரை எழுதப்படவில்லை

26

ஊன் உடம்பில் பிறவிவிடம் தீர்ந்து உலகத்தோர் உய்யஞான முதல் நான்கு மலர் நல் திரு மந்திர மாலைபான்மை முறை ஓர் ஆண்டுக்கு ஒன்றாகப் பரம் பொருளாம்ஏன எயிறு அணிந்தாரை ஒன்றவன்தான் என எடுத்து.

சொற்பிரிப்பு

ஊன் உடம்பில் பிறவி விடம் தீர்ந்து உலகத்தோர் உய்யஞான முதல் நான்கும் அலர் நல் திருமந்திர மாலைபான்மை முறை ஓர் ஆண்டுக்கு ஒன்று ஆகப் பரம்பொருளாம்ஏன எயிறு அணிந்தாரை ஒன்றவன் தான் என எடுத்து.

உரை

உரை எழுதப்படவில்லை

27

முன்னிய அப் பொருள் மாலைத் தமிழ் மூவாயிரம் சாத்திமன்னிய மூவாயிரத்து ஆண்டு இப்புவிமேல் மகிழ்ந்து இருந்துசென்னி மதி அணிந்தார் தம் திருவருளால் திருக் கயிலைதன்னில் அணைந்து ஒரு காலும் பிரியாமைத் தாள் அடைந்தார்.

சொற்பிரிப்பு

முன்னிய அப்பொருள் மாலைத் தமிழ் மூவாயிரம் சாத்திமன்னிய மூவாயிரத்து ஆண்டு இப்புவிமேல் மகிழ்ந்து இருந்துசென்னி மதி அணிந்தார் தம் திருஅருளால் திருக்கயிலைதன்னில் அணைந்து ஒருகாலும் பிரியாமைத் தாள் அடைந்தார்.

உரை

உரை எழுதப்படவில்லை

28

நலம் சிறந்த ஞான யோகக் கிரியா சரியை யெலாம்மலர்ந்த மொழித் திருமூல தேவர் மலர்க் கழல் வணங்கிஅலர்ந்த புகழ்த் திருவாரூர் அமணர் கலக்கம் கண்டதலம் குலவு விறல் தண்டி அடிகள் திறம் சாற்றுவாம்.

சொற்பிரிப்பு

நலம் சிறந்த ஞான யோகக் கிரியா சரியை எலாம்மலர்ந்த மொழித் திருமூல தேவர் மலர்க்கழல் வணங்கிஅலர்ந்த புகழ்த் திருஆரூர் அமணர் கலக்கம் கண்டதலம் குலவு விறல் தண்டி அடிகள் திறம் சாற்றுவாம்.

உரை

உரை எழுதப்படவில்லை

திருச்சிற்றம்பலம்